Afturbering til filmsgerð

14.12.2017 - 08:53
AktueltPolitikkur
Afturbering til filmsgerð
Øll vinnunevndin tekur undir við uppskotinum hjá landstýrismanninum í vinnumálum um afturbering av útreiðslum til filmsgerð í Føroyum
 
 

Tað er ein samd vinnunevnd, sum mælir løgtinginum um at samtykkja uppskotið.

Endamálið við uppskotinum er, at føroysk filmsfólk sleppa at menna sínar førleikar í størri útlendskum filmsframleiðslum.

Filmsframleiðsla skapar nógv avleitt virksemi, og tað kann eisini loysa væl fíggjarliga, um útlendingar gera film í Føroyum.

Skotið verður upp, at upp í 25% av góðkendu útreiðslunumm verða endurgoldin.

Eisini verður kravt, at útlendingar skulu fíggja í minsta lagi 25% av framleiðsluni í Føroyum, so skipanin gevur fíggjarliga javnvág.

Á fíggjarlógini næsta ár eru 200.000 krónur settar av til afturberingarskipanina. Upphæddin er lítil, tí byrjað verður varisliga, og óvist er, hvørjar filmsverkætlanirnar vera, sigur Poul Michelsen í viðmerkingunum til uppskotið.

Vinnunevndin sigur í viðmerkingunum, at føroyingar í mestan mun eiga at sleppa at røkja leiðsluuppgávur, t.e. starvsfólk við leikstjóra-,klipp-,ljós- og ljóðuppgávum.

Undir viðgerðini í vinnunevndini kom fram, at skal tað eydnast at fáa størri filmsverkætlanir til Føroya, er tørvur á at hækka játtanina munandi, tí ein stór filmsverkætlan kann lættliga fara at kosta milliónir í afturbering, sigur vinnunevndin. 

Uppskotið kemur til aðru viðgerð í tinginum fríggjadagin. 


 

Nýggjastu sendingar í ÚV
Mánadag 16. juli
Dumparin er mítt arbeiðspláss
83367
Mánadag 16. juli
Morgunlestur mánadagin 16. juli 2018
82856
Sunnudag 15. juli
HM-tíðindi 15. juli
83350
Sunnudag 15. juli
Arkitekturur á útoyggj - Svínoy
83034
Sunnudag 15. juli
Gudstænasta í Sandavágs kirkju
83346
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333