Vøksturin í fólkatalinum er minni enn fyrr í ár

14.12.2017 - 09:23
AktueltSamfelag
Vøksturin í fólkatalinum er minni enn fyrr í ár
Enn er ov tíðliga at siga, um hetta er varandi, sigur Hagstovan
Kvinnur og menn í fólkatalinum seinasta árið.
Mynd: © Hagstova  
 
 

Fólkatalið í Føroyum veksur framvegis, men ikki við somu ferð sum í summar og í heyst.

Orsøkin er, at burðaravlopið og nettotilflytingin eru minkað eitt vet, sigur Hagstovan.

Men broytingin er tó so lítil, at ikki ber til at siga enn, um hon er varandi.

Tann 1.november vóru 50.358 fólk í Føroyum, 662 fleiri enn 1.november í fjør.

Í 21 kommunum er fólkatalið vaksið. Tað stendur í stað í trimum kommunum og er minkað í fimm.

Minni vøkstur í Havn

Fólkatalið veksur skjóast í Vágum, Eysturoynni og Streymoynni, tá Tórshavnar kommuna ikki er tald við.

Nú er ikki longur sama ferð á vøkstrinum í Tórshavnar kommunu.

Frá 1.november 2016 til 1.november 2017 eigur Tórshavnar kommuna 31 prosent av tí, sum fólkatalið vaks.

Hetta talið var 56 prosent árið frammanundan, frá 1.november 2015 til 1.november í 2016.

42 prosent av fólkinum í Føroyum búgva í Tórshavnar kommunu. 

Fleiri menn 

Fleiri menn enn kvinnur flyta til Føroya, og tað ávirkar fólkavøksturin í landinum.

Hagstovan sigur, at frá 1.november í fjør til 1.november í ár er fólkatalið vaksið 662, 344 menn og 318 kvinnur.

Munurin sæst týðiligast í nettotilflytingini, har vóru 239 mannfólk og 185 konufólk.

Men 36 fleiri gentur enn dreingir blivu føddar í tíðarskeiðinum.

Færri fólk flyta úr Føroyum nú. 

Ikki síðani 1980 eru so fá fólk flutt úr Føroyum sum frá 1.november í fjør til 1.november í ár.

Og ikki síðani 2002 eru so nógv fólk flutt til Føroya.

Nýggjastu sendingar í ÚV
Sunnudag 20. mai
Hvítusunna
80888
Sunnudag 20. mai
Barnaheimið í Umanak 1(2)
80947
Leygardag 19. mai
Nú er leygardagur - 190518
81069
Leygardag 19. mai
Áðrenn Elvis - 170518
81068
Nýggjastu sendingar í SV
Mánadag 21. mai
Andaktin
81074
Sunnudag 20. mai
Andaktin
81064
Sunnudag 20. mai
Guðstænasta úr Eiðis kirkju
81081
Hósdag 17. mai
Sjúklingahotellið
80986
Mánadag 14. mai
3-2
80877