Fíggarlógin viðgjørd

bannari
20.12.2017 - 09:08
AktueltPolitikkur
Fíggarlógin viðgjørd
Løgtingið avgreiddi í nátt fíggjarlógina fyri 2018. Løgtingið er nú farið í jólafrí, og tingfundur verður ikki aftur fyrr enn í januar.
 
 

Við triðju viðgerð samtykti tingið eitt broytingaruppskot frá samgonguumboðum í fíggjarnevndini og Jógvani Skorheim í Sjálvstýri.

Umboðið hjá Tjóðveldi í fíggjarnevndini, Pauli Trond Petersen, skrivaði ikki undir hetta broytingaruppskotið.

Størsta einstaka upphæddin í broytingaruppskotinum fer til at gjalda gamlar eftirstøður til serlæknar á landssjúkrahúsinum.

Tað vakti ans í tinginum, at Pauli Trond Petersen ikki skrivaði undir broytingaruppskotið hjá samgonguumboðunum í fíggjarnevndini og Sjálvstýri. 

Fyrst lækka so hækka

Undir orðaskiftinum við triðju viðgerð undraðust tingfólk í andstøðuni á, at løgtingið við aðru viðgerð hevði samtykt fleiri uppskot frá samgonguflokkunum í fíggjarnevndini um at skerja játtanir á fíggjarlógini.

Men við triðju viðgerð skutu samgongufólk og Sjálvstýri upp at hækka fleiri av hesum játtanum aftur. 

Ført varð fram, at hetta helst mundi vera tí, at landsstýrisfólkini vóru komin uppí, og vildu hava upphæddirnar hækkaðar.

Jógvan á Lakjuni í Fólkaflokkinum vísti á, at við triðju viðgerð vóru eisini nýggj rakstrarstøð komin í broytingaruppskotið.

Broytingaruppskotið frá Ruth Vang, Kristionnu Winther Poulsen, Kristini Michelsen og Jógvani Skorheim varð samtykt við 19 atkvøðum fyri og 11 ímóti. Tríggjar atkvøður vórðu blankar.

Øll andstøðuuppskot fullu

Tingfólk í andstøðuni høvdu eisini fleiri broytingaruppskot við triðju viðgerð, men tey fullu øll.

Seinasta atkvøðugreiðslan í tinginum um fíggjarlógina var klokkan eitt korter til trý í nátt.

Løgtingið er nú farið í jólafrí, og tingfundur verður ikki aftur fyrr enn í januar. 

Nýggjastu sendingar í ÚV
Týsdag 17. juli
Morgunlestur týsdagin 17. juli 2018
82857
Mánadag 16. juli
Summartímin mánadagin 16. juli
83383
Mánadag 16. juli
HM-tíðindi 16. juli
83371
Mánadag 16. juli
Dumparin er mítt arbeiðspláss
83367
Mánadag 16. juli
Morgunlestur mánadagin 16. juli 2018
82856
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333