Viðgjørdu fíggjarlógina á miðjari nátt

bannari
20.12.2017 - 15:37
AktueltPolitikkur
Viðgjørdu fíggjarlógina á miðjari nátt
- Tað er óheppið at hava fíggjarlógarviðgerð á miðjari nátt, men í hesum førinum metti eg, at fyrimunirnir vigaðu meir enn vansarnir.
 
 

Tað sigur Páll á Reynatúgvu, Løgtingsformaður.

Jólini nærkast, nýggjárið nærkast, og tað er síðsta freist hjá løgtinginum at samtykkja fíggjarlóg fyri komandi ár.

Og tað kláraði løgtingið í ár - enntá fleiri dagar áðrenn jól.

Onnur viðgerð av fíggjarlógini tók allan dagin í gjár, og tingformaðurin gjørdi av at fara undir triðju viðgerð klokkan hálvgum tólv í gjárkvøldið. Tað hevði við sær, at fíggjarlógin ikki varð endaliga samtykt fyrr enn eitt korter til trý í nátt.

Páll á Reynatúgvu, tingformaður, hevur fyrr sagt, at hann fegin vil sleppa undan at viðgerða týdningarmikil mál á miðjari nátt.

Løgtingsformaðurin sigur við útvarpið, at tað var óheppið, at viðgerðin gjørdist so sein, men samstundis metti hann, at tað var ráðiligt at halda áfram við 3. viðgerð seint í gjarkvøldið.

Broytingaruppskot í evstu løtu

Nakrar av broytingunum millum aðru og triðju viðgerð vóru ikki viðgjørdar ella lýstar frammanundan. Onkur andstøðufólk hildu lítið um, at til dømis broytingaruppskot um rock-savn í Klaksvík og skjalasavn á Tvøroyri komu inn av síðulinjuni móti endanum.

Páll á Reynatúgvu sigur, at tað hevði borið til at havt ein dag ímillum viðgerðirnar, soleiðis at fólk kundu kunna seg um nýggju átøkini, men hetta helt hann kortini ikki vera neyðugt.

At okkurt nýtt kemur inn áðrenn triðju viðgerð er tekin um fjølbroytni í politisku skipanini, heldur hann.

Nýggjastu sendingar í ÚV
Týsdag 17. juli
Morgunlestur týsdagin 17. juli 2018
82857
Mánadag 16. juli
Summartímin mánadagin 16. juli
83383
Mánadag 16. juli
HM-tíðindi 16. juli
83371
Mánadag 16. juli
Dumparin er mítt arbeiðspláss
83367
Mánadag 16. juli
Morgunlestur mánadagin 16. juli 2018
82856
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333