Yvirgangsmaður fingið fonsulsrevsing

Yvirgangsmaður fingið fonsulsrevsing
Einasti gerningsmaður, sum slapp við lívinum frá yvirgangsatsóknini í novmeber 2015 í Paris, kann verða dømdur 40 ára fongsulsrevsing í øðrum máli
Mynd: Le Parisien  
 
21.12.2017 - 13:52

Nakrar dagar áðrenn hann varð handtikin í mars 2016, var Salah Abdeslam í skotbardaga við løgregluna í einum býarparti í Brússel.

Eftir ætlan skuldi rættargongdin byrja hesa vikuna, men í evstu løtu bað Abdeslam um at fáa ein verja, og tí er rættarfundurin útsettur í hálvan-annan mánað.

28 ára gamli Salah Abedeslam er franskur ríkisborgari, men búði barnaárini í Belgia.

Hann og ein vinmaður hansara kunnu verða dømdur 40 ára fongsulsrevsing fyri at hava skotið eftir løgregluni. Teir eru eisini ákærdir fyri drápsroynd móti fleiri løgreglufólkum í sambandi við yvirgangsatsóknina, og fyri at hava ólóglig vápn í varðveitslu.

Í skotbardaganum í Brússel fingu fleiri løgreglufólk skaða, samstundis sum ein maður, ið var undir illgruna í sambandi við yvirgangsatsóknina, varð skotin til deyðis.

Abdeslam varð handtikin fýra dagar eftir skotbardagan í einum øðrum býarparti í Brússel, og hevur síðani mest sum alla tíðina sitið í fongsli í Paris, har hann hevur bíðað eftir at koma fyri rættin í sambandi við yvirgangsálopið í november 2015.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585