Bakkast fyri USA

22.12.2017 - 07:22
AktueltPolitikkur
Bakkast fyri USA
Tilsamans 128 lond atkvøddu fyri eini samtykt, sum áleggur USA at broyta sína samtykt um at viðurkenna Jerusalem sum høvuðsstað í Ísrael
 

Avkvøðugreiðsla var í ST-høvuðssætinum í gjárkvøldið. Níggju lond atkvøddu í móti, og 35 atkvøddu ikki,  - millum annað Ísland og Kanada.

21 lond vóru ikki tilstaðar, tá atkvøðugreiðslan fór fram.

Hon er ein sigur fyri palestinar, sum framundan høvdu vónað, at í minsta lagi 150 lond møttu til atkvøðugreiðsluna.

"Lygnunar hús"

Ísraelski forsætisráðharrin, Bemjamin Netanyahu, hevur sagt, at Jerusalem verður høvuðsstaður Ísraels, - sama, um ST viðurkennur tað ella ikki.

Undan atkvøðugreiðsluni í gjárkvøldið lýsti Netanyahu ST at vera "húsið sum lýgur". Hann legði aftrat, at hugburðurin mótvegis Ísrael er í ferð við at broytast í nógvum londum. 

- Og sum frálíður fer tað eisini at treingja inn í ST - lygnunar hús, segði ísraelski forsætiráðharrin.

Fordøma avgerðina hjá USA

Samtyktin er ikki bindandi, men er kortini dyggur smeitur fyri amerikanska forsetan, Donald Trump. Hann staðfesti fyri stuttum, at USA viðurkennur Jerusalem sum høvuðsstað Ísraels, og at amerikanska sendistovan skal flytast úr Tel Aviv til Jerusalem.

Fleiri lond kring allan heim fordømdu avgerðina. Ísrael hevur hertikið Eystur-Jerusalem og tað er í stríð við altjóða sáttmálar, og palestinar vilja hava partin av býnum, sum sín komandi høvuðsstað.

Í altjóða sáttmálanum stendur eisini, at støðan hjá Jerusalem er ein samráðingarspurningur millum Ísrael og Palestina.

USA hartar

Fyrradagin ávaraði Donald Trump tjóðirnar, sum fóru at atkvøða ímóti amerikonskum áhugamálum í ST. New York Times skrivar, at Trump hótti við, at tey fara at missa fíggjarliga stuðulin frá USA:

- Vit fylgja við hesum atkvøðunum. Lat tey bara atkvøða ímóti okkum, tí so spara vit nógv. Tað leggja vit einki í, segði amerikanski forsetin, sambært New York Times.

Fáa tað afturlønt

Amerikanski ST-sendiharrin, Nikki Haley, segði í røðu síni beint undan atkvøðugreiðsluni, at USA fer at minnast henda dagin, tá álop varð framt móti landinum í ST-aðalráðnum. 

- Hetta fara vit at minnast næstu fer, at heitt verður á okkum um at játta størsta stuðulin til ST, segði Nikki Haley.

Turkiski forsetin, Recep Tayyip Erdogan, svaraði ígjár aftur hóttanini frá Trump. 

- Eg tosið til allan heimin. Ikki selja tykkara demokratiska vilja fyri smápengar, segði Erdogan í sjónvarpaðari talu ígjár.

Turkiski forsetin legði aftrat, at hann heldur, at heimurin fer at geva USA ein lærupenga.

 
Nýggjastu sendingar í ÚV
Týsdag 23. juli
MorgunMix 23. juli 2019
97006
Mánadag 22. juli
Minibarrin 22. juli 2019
96982
Mánadag 22. juli
Summartímin fríggjadagin 19. juli
96981
Mánadag 22. juli
MorgunMix 22. juli 2019
96998
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747