Kunngerðirnar um nýggja fiskiskapin eru á veg

27.12.2017 - 12:33
AktueltVinna
Kunngerðirnar um nýggja fiskiskapin eru á veg
Fiskivinnuráðið hevur fingið 18 kunngerðir til ummælis. Helvtin er avgreidd
Lógin er lýst. Men kunngerðirnar eru ikki komnar enn.
 
 

Eingin kunngerð um nýggju fiskivinnulógina er lýst enn.

Men tær eru á veg og koma fyri nýggjár, verður sagt í Fiskimálaráðnum.

Fiskivinnuráðið hevur ummælt helvtina av kunngerðunum og hevur fund aftur í dag:  

Lógin um fiskiskapin í framtíðini er lýst, og hon fer at virka á midnátt sunnukvøldið.

Eingin kunngerð enn

Enn er tó eingin kunngerð, sum skal nágreina partar í lógini, komin. 

Men tær koma næstu dagarnar, sigur aðalstjórin í Fiskimálaráðnum, Rógvi Reinert.

Uppskot um kunngerðirnar, sum skulu lýsast nú í vikuni, eru send Fiskivinnuráðnum til ummælis.

Fiskivinnuráðið hevur havt ein fund, hann var 21.desember, og hevur svarað Fiskimálaráðnum, og ráðið hevur fund aftur seinnapartin í dag, klokkan eitt.

Allar koma ikki nú

Ikki er neyðugt at lýsa allar kunngerðirnar í sambandi við nýggju lógina um sjófeingi longu nú. 

Og verandi kunngerðir, sum eisini kunnu brúkast eftir nýggjár, halda fram. 

Rógvi Reinert sigur, at reiðarar vita, hvussu teir skulu bera seg at eftir nýggjár, tí teir hava fólk í Fiskivinnuráðnum, sum hevur fingið kunngerðirnar.

Jóanna Djurhuus, forkvinna í Fiskivinnuráðnum, sigur, at ráðið fekk 18 kunngerðir til ummælis. 

Okkurt um helvtin av teimum er eftir at viðgera, og roynt verður at avgreiða tær seinnapartin í dag.

Landsstýrið fær kunning frá landsstýrismanninum í fiskivinnumálum um kunngerðirnar. Landsstýrisfundurin verður í morgin.

Nýggjastu sendingar í ÚV
Leygardag 20. oktober
Morgunlestur leygardagur 20.oktober 2018
86026
Fríggjadag 19. oktober
Pressan: Rigmor, R7 og Andøvsløtan
86616
Fríggjadag 19. oktober
Mín avrikslisti (2:3)
86609
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Nýggjastu sendingar í SV
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404