Landsstýrið fær kunningina um kunngerðirnar í dag

29.12.2017 - 12:59
AktueltPolitikkur
Landsstýrið fær kunningina um kunngerðirnar í dag
Nakrar kunngerðir greina nýggju fiskivinnulógina
Drúgvur landsstýrisfundur er í dag um fiskivinnukunngerðirnar.
 
 

Landsstýrið fær í dag kunning um tær 18 kunngerðirnar, sum Fiskimálaráðið ætlar at lýsa fyri nýggjár.

Landsstýrisfundurin byrjaði klokkan hálvgumtíggju. 

Hann verður neyvan liðugur fyrr enn klokkan tvey, frættist av Tinganesi.

Høgni Hoydal, landsstýrismaður, segði í gjár, at kunngerðirnar verða lýstar í dag ella í morgin.

Tær hava verið til ummælis í Fiskivinnuráðnum, sum viðgjørdi tær 21.desember og 27.desember.

Tær hava eisini verið til ummælis hjá Vørn og øðrum, sum ikki hava fólk í Fiskivinnuráðnum. 

Hvørt ár

Nakrar kunngerðir eru kunngerðir, sum verða broyttar hvørt ár.

Aðrar kunngerðir eru nýggjar og eru gjørdar sambært lógini um fyrisiting av sjófeingi, sum kemur í gildi á nýggjárinum.

Allar tær kunngerðirnar koma ikki nú, sigur Høgni Hoydal. Millum annað kemur kunngerðin um uppboðssølu í januar. 

Vørn er farið at fyrireika seg til nýggju skipanina.

Ognarviðurskifti váttast

Í gjár kunngjørdi Vørn, at váttan um ognarviðurskiftini skal við, tá søkjast skal um fiskiloyvi í 2018.

Vørn boðar frá, at skip, sum søkja um fiskiloyvi í 2018, skulu senda váttan um ognarviðurskifti sambært lógini um fyrisiting av sjófeingi.

Tey skulu eisini vátta, at skipari og manning fáa hýru sambært sáttmálunum hjá føroysku manningarfeløgunum.

Treytin um váttan um ognarviðurskifti er ikki galdandi fyri bátar í bólki fimm.

Í bólki fimm eru útróðrarbátar minni enn 15 tons, sum fiska við húki.

Fiskiloyvið kostar 500 kr.

 

 

 

Nýggjastu sendingar í ÚV
Leygardag 20. oktober
Morgunlestur leygardagur 20.oktober 2018
86026
Fríggjadag 19. oktober
Pressan: Rigmor, R7 og Andøvsløtan
86616
Fríggjadag 19. oktober
Mín avrikslisti (2:3)
86609
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Nýggjastu sendingar í SV
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404