Eingin semja at hóma

02.01.2018 - 18:30
AktueltSamfelag
Eingin semja at hóma
Einki røkist fyri nýggjari semingsroynd í sáttmálatrætuni millum Pedagogfelagið og Kommunala Arbeiðsgevarafelagið og Fíggjarmálaráðið hinumegin
Mynd: Savnsmynd  
 
 

Seinasta semingsroyndin var 28.desember, men eftir at partarnir høvdu sitið saman í umleið 12 tímar, gavst Semingsstovnurin við royndini at fáa partarnar at finna semju. Semingsroyndin endaði, uttan at nakað semingsuppskot varð lagt fyri partarnar.

Síðani tá hevur Pedagogfelagið hert verkfallið, og klokkan átta í morgin áðrenn fara allir limir í Pedagogfelagnum, sum starvast í fólkaskúlum, sernámi og forskúlum hjá kommununum, í verkfall.

Terje Sigurðsson, semingsmaður, sigur við útvarpið í kvøld, at í løtuni liggur ikki í kortunum at fara undir nýggja semingsroynd.

-Einki nýtt er at frætta frá pørtunum, og eingin semingsroynd er í umbúna, sigur Terje Sigurðsson, semingsmaður.

Fyrstu pedagogarnir fóru í verkfall 12 desember og 14 desember lýstu kommununalu arbeiðsgevararnir arbeiðsbann, og síðan tá hava allir kommunalir dagsstovnar verið stongdir. 

15. desember herdi Pedagogfelagið verkfallið, so tað eisini rakti limir hjá felagnum, sum arbeiða hjá Almannaverkinum og sjálvsognarstovnum hjá Almannaverkinum. Men nøkur undantøk vórðu kortini givin, so nakrir pedagogar eru til arbeiðis á stovnum hjá Almannaverkinum.

Og í morgin verður verkfallið aftur hert.
 

Nýggjastu sendingar í ÚV
Fríggjadag 20. apríl
Morgunlestur fríggjadagur 20. apríl 2018
79723
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Hósdag 19. apríl
Áðrenn Elvis - 190418
80009
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843