- Tíðindi, mentan og ítróttur
Forstjórin farin til arbeiðis
Forstjórin farin til arbeiðis
Jóanis Erik Køtlum er evsti stjóri hjá umleið 1100 starvsfólkum í sjúkrahúsverkinum
03.01.2018 - 10:51
Nýggi forstjórin í sjúkrahúsverkinum, Jóanis Erik Køtlum, hevði sín fyrsta arbeiðsdag í gjár.
Forstjórin, sum eisini er stjóri á Landssjúkrahúsinum, fer fyrstu dagarnar at seta seg inn í leiðsluuppgávur á Landssjúkrahúsinum, fíggjarviðurskifti, depilsleiðslur og at vitja deildirnar.
Seinni í hesum mánaðinum er ætlanin at vitja á Klaksvíkar sjúkrahúsi og Suðuroyar sjúkrahúsi, skrivar heimasíðan hjá Landssjúkrahúsinum.
Jóanis Erik Køtlum hevur fyrr starvast 15 ár í føroysku heilsuverkinum, bæði á Landssjúkrahúsinum og í Heilsumálaráðnum. Hann hevur eisini verið stjóri í heilsuverkinum í Grønlandi.
Nýggi forstjórin er evsti stjóri hjá umleið 1100 starvsfólkum í føroyska sjúkrahúsverkinum.
Nýggjastu sendingar í ÚV
Nýggjastu sendingar í SV