Sparing er ikki orsøkin til onga serdeild

04.01.2018 - 11:54
AktueltHeilsa
Sparing er ikki orsøkin til onga serdeild
Ein heildarætlan verður gjørd fyri børn og ung við psykiatriskum sjúkum. Eingin serdeild verður tí gjørd í nýbygninginum á Landssjúkrahúsinum
Psykiatriski depilin á Landssjúkrahúsinum fær nýggjan bygning.
 

Sparing er ikki orsøkin til, at serstøk deild til børn og ung við psykiatriskum sjúkum verður ikki gjørd, nú Landssjúkrahúsið verður útbygt.

Tað sigur Sirið Stenberg, landsstýriskvinna, í svari til Kaj Leo Holm Johannesen, løgtingsmann.

Lutfalsliga fáar innleggingar eru. Og í nýbygninginum fáa øll einastovur við egnum baðirúmi.

Tá er betri at skipa hetta á annan hátt, sigur Sirið Stenberg. 

Nýggj ætlan

Í løtuni verður arbeitt við nýggjari heildarpsykiatriskari ætlan, millum annað um, hvussu vit fáa besta barna- og ungdómspsykiatriska tilboðið í Føroyum. 

Sirið Stenberg sigur, at á Psykiatriska deplinum á Landssjúkrahúsinum er skipað ein barna- og ungdómspsykiatrisk eind, sum tekur móti børnum og ungum úr øllum landinum og familjum teirra. 

Í Fíggjarlógini fyri 2018 er økið raðfest. Peningur er settur av til nýtt dagtilboð til børn og ung. 

Endamálið við dagtilboðnum er at styrkja viðgerðartilboðini til tey, sum stríðast við ótta, tunglyndi og etingarólag. 

Ætlanin er, at tað kann vera við til at forða fyri, at børn og ung verða innløgd, sigur Sirið Stenberg.

Ein sálarfrøðingur og ein sjúkrarøktarfrøðingur komu afturat nú fyrst í januar, og 1.mars verður settur eina serlækni í barna- og ungdómspsykiatri og ein læknaskrivari. 

 
Nýggjastu sendingar í ÚV
Týsdag 18. februar
Dagsins yrking - Hinumegin vindeygað
104238
Týsdag 18. februar
Góðan morgun Føroyar 18. februar
104969
Mánadag 17. februar
Við Tórði á túri á náttarvakt
104938
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891