Badmintonlandsliðið nýggjan venjara

05.01.2018 - 11:00
Ítróttur
Badmintonlandsliðið nýggjan venjara
Badmintonsamband Føroya hevur sett ein landsliðsvenjara afturat
Sune Gavnholt og formaðurin í Badmintonsambandinum, Erik Engelbrecht Thomsen
Mynd: Savnsmynd  
 
 

Badmintonsamband Føroya hevur í dag skrivað undir sáttmála við danan Sune Gavnholt.

Hann skal saman við Aritra Nandy standa á odda fyri landsliðsarbeiðinum fram til árslok í 2019.

Stórt navn

Sune Gavnholt er 34 ára gamalur og býr í Århus saman við konuni og tveimum børnum.

Hann er fulltíðar badmintonvenjari í Ikast IF Badminton og hevur sjálvur nógvar royndir sum yrkisbadmintonspælari.

Hann hevur verið millum tíggju teir bestu í Danmark og millum hundrað teir bestu í heiminum.

Sune Gavnholt hevur verið danskur meistari 5 ferðir og evropeiskur meistari 4 ferðir sum ungdómsleikari.

Skal royna seg beinavegin

Fyrsta uppgávan hjá nýggja landsliðstoyminum, Aritra Nandy og Sune Gavnholt, verður komandi vikuskifti.

Tá fer landsliðið til Íslands at spæla landsdyst ímóti Íslandi fríggjakvøldið og at luttaka í kapping, sum verður leygardagin og sunnudagin. 

Hesi skulu umboða Føroyar:

Kristina Eriksen

Gunnva Jacobsen

Jóhanna Osberg Højsted

Sólfríð Hjørleifsdóttir

Magnus Dal-Christiansen

Benjamin Gunnarstein

Bartal Poulsen

Magni Hansen

Rani í Bø

Nýggjastu sendingar í ÚV
Hósdag 19. apríl
Áðrenn Elvis - 190418
80009
Hósdag 19. apríl
Morgunlestur hósdagur 19. apríl 2018
79722
Mikudag 18. apríl
Útlendskur ognarlutur í fiskivinnuni
79964
Mikudag 18. apríl
Jazzofonin 18 apríl 2018
79986
Nýggjastu sendingar í SV
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843
Sunnudag 15. apríl
Andaktin
79841
Fríggjadag 13. apríl
Lyst 13
79784