Biður løgtingið hjálpa sær móti landsstýrinum

13.01.2018 - 10:29
AktueltHeilsa
Biður løgtingið hjálpa sær móti landsstýrinum
Ein kunngerð frá Vinnumálaráðnum noyðir nú Heilsumálaráðið at almannakunngera upplýsingar, tað ikki vil geva innlit í. Løgtingið hevur fingið kæru
John William Joensen, blaðmaður á Norðlýsinum, vil hava Landsstýrismálanevndina at lata upp dyrnar til Heilsumálaráðið.
 
 

Landstýrismálanevndin hjá løgtinginum hevur fingið sína fyrstu kæru í hesari tingsetuni. 

John William Joensen, blaðmaður á Norðlýsinum, hevur kært Sirið Stenberg, landsstýriskvinnu, tí hon ikki vil gera eftir boðum frá Løgtingins umboðsmanni.

Landsstýrismálanevndin fer at viðgera málið mikudagin.

John William Joensen sigur í kæruni, at hann fekk tann 7.juli í fjør at vita, at Løgtingsins umboðsmaður hevði givið skarvin yvir í sambandi við kæru frá honum um framferðina hjá Heilsu- og Innlendismálaráðnum. 

Hóast Løgtingsins umboðsmaður hevur álagt Heilsu- og Innlendismálaráðnum at geva John William Joensen innlit í, hvørji evnafrøðilig evni, alivinnan sleppur at brúka og hevur brúkt seinastu nógvu árini, hevur hann ikki fingið hetta innlitið.

Vónandi kann Landsstýrismálanevndin bera so í bandi, at Heilsu- og Innlendismálaráðið aktar boðini frá Løgtingsins umboðsmanni, sigur John William Joensen í kæruni.

Verður alment 

Men í gjár frættist í Útvarpinum, at Heilsumálaráðið fær ikki longur hildið dult, hvussu nógvan heilivág alivinnan brúkar.

Nýggj kunngerð frá Vinnumálaráðnum letur upp fyri øllum upplýsingunum, so fólk kunnu fylgja við, hvussu nógv og hvat medisin alararnir brúka.

Birna Mørkøre, landsdjóralækni, sigur, at upplýsingarnar um medisinnýtsluna hjá alivinnuni fara at røkka aftur til oktober í fjør. 

Upplýsingarnar skulu annars dagførast dagliga og skulu í seinasta lagi vera á heimasíðuni hjá Heilsufrøðiligu starvsstovuni sjey dagar eftir, at tær eru tøkar hjá Heilsufrøðiligu starvsstovuni.

Nýggjastu sendingar í ÚV
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Nýggjastu sendingar í SV
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405