Søkja eftir stjóra til Havstovuna

13.01.2018 - 10:38
AktueltSamfelag
Søkja eftir stjóra til Havstovuna
Stjórastarvið skal lýsast leyst nú, tí tað er áramálssett
Eilif Gaard hevur verið stjóri á Havstovuni síðani 2010.
 
 

Havstovan søkir nú eftir stjóra.

Eilif Gaard hevur skjótt verið stjóri á Havstovuni í átta ár, og nú skal stjórastarvið lýsast leyst, tí starvið er áramálssett.

Stjórin verður settur fyri fimm ár, og møguleiki er at leingja starvstíðina trý ár

Eilif Gaard tók við eftir Hjalta í Jákupsstovu, sum fór frá fyri aldur í 2010.

Nýggi stjórin skal hava útbúgving frá lærdum háskúla, og annars hava starvsroyndir og kunnleika, sum kann setast í samband við starvið og virðisøkið á stovninum.

Havstovan er vísindastovnur undir Fiskimálaráðnum, sum kannar livand tilfeingi og umhvørvið í føroyskum sjógvi og á havleiðum, har føroyska fiskivinnan hevur áhugamál.

Auto fingið stjóra

Og meðan Havstovan søkir eftir stjóra, hevur hýruvognsstøðin Auto í Havn sett nýggjan stjóra.

Hann eitur Dia Midjord.

Dia Midjord er útbúgvin journalistur og hondbóltsvenjari.

Hann er venjari hjá fleiri liðum í dag, og hann hevur verið stjóri í Kringvarpinum frá 2012 til í fjør summar.

Nýggjastu sendingar í ÚV
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Nýggjastu sendingar í SV
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405