Fakfelagsgjaldið aftur til viðgerðar í tinginum

14.01.2018 - 09:41
AktueltPolitikkur
Fakfelagsgjaldið aftur til viðgerðar í tinginum
Sonja Jógvansdóttir sigur, at uppskotið fer at kosta 10 milliónir krónur í mistari skattainntøku í ár, sum fakfelagslimirnir fáa í skattalætta
 
 

Løgtingið fer nú aftur at viðgera spurningin, um limagjald til fakfelag kann dragast frá í skatti.

Tingið feldi í desember eitt líknandi uppskot frá Sonju J. Jógvansdóttir, hóast ein meiriluti í fíggjarnevndini tók undir við tí.

Kristin Michelsen var ikki í tinginum, tá atkvøtt varð, og Bill Justinussen, sum var partur av meirilutanum í fíggjarnevndini, atkvøddi ikki fyri, hóast hann í álitinum frá fíggjarnevndini hevði sagt seg taka undir við uppskotinum.

Hann segði eftir atkvøðugreiðsluna, at hann hevði ikki lisið uppskotið nóg væl.

Sonja Jógvansdóttir segði, at hon hevði eina avtalu við løgmann um, at limagjald til yrkisfelag skal kunnu dragast frá í skatti.

Sonja Jógvansdóttir segði, at hon helt sínar avtalur mótvegis samgonguni, um samgongan eisini helt sínar avtalur.

Noyddust at atkvøða 

Fyri at uppskotið skuldi kunna leggjast fram aftur, varð neyðugt at atkvøða um tað, og tá vóru 17 atkvøður fyri.

Uppskotið hjá Sonju Jógvansdóttir kemur til fyrstu viðgerð í tinginum mikudagin. Tað verður mett at kosta 10 milliónir krónur í mistari skattainntøku í ár, sum limirnir í fakfeløgunum fáa í skattalætta.

Løgtingið fer eisini mikudagin at viðgera eitt uppskot frá Sambandsflokkinum um at hækka botnfrádráttin í lands- og kommunuskattinum 2.500 krónur.

Sambandsflokkurin sigur, at hetta hevur umleið somu ávirkan hjá lønmóttakarum, sum ætlanin at draga limagjald til yrkisfelag frá í skatti.

Hetta tryggjar samstundis, at hildið verður fast við bruttoskattaskipanina, sigur Sambandsflokkurin.

Nýggjastu sendingar í ÚV
Hósdag 19. juli
Morgunlestur hósdagin 19. juli 2018
82859
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333