Eik leiðsla í rættin

bannari
15.01.2018 - 07:29
AktueltSamfelag
Eik leiðsla í rættin
Talan verður um eitt drúgvt sakarmál. Fíggjarligt Støðufesti krevur 150 milliónir kr.
 

Stóra sakarmálið hjá Fíggjarligum støðufesti móti oddamonnunum í gamla Eik banka byrjar í dag. Eitt heilt ár er sett av til sakarmálið, sum verður í Føroya rætti. Fíggjarligt støðufesti stevnir eftir 150 milliónum krónum.

Teir saksøktu fara at krevja frídøming. Hesa vikuna verða rættarfundir mánadag, týsdag og mikudag. 130 dagar eru settir av í 2018, og nakrir dagar í 2019 eru eisini settir av, um brúk verður fyri teimum.

Sakarmálið er so stórt og umfatandi, at bara til dokumentasjónina, tað er tá advokatarnir leggja fram skjølini, sum teir vilja hava rættin at sýna ans, eru settir av 30 dagar.

Fíggjarligt støðufesti stevndi fyri skjótt fimm árum síðani Frithleifi Olsen, nevndarformanni, Odd Bjellvåg, næstformanni, Marneri Jacobsen, forstjóra, Bjarna Olsen, stjóra, Hans Laksá, grannskoðara og grannskoðarafelagnum NOTA.

Í minsta lagi 140 vitni skula avhoyrast. Rætturin hevur sett av 20 tímar, fimm rættardagar, til at avhoyra Marner Jacobsen og Hans Laksá og 12 tímar til hvønn av hinum.

 
Nýggjastu sendingar í ÚV
Mikudag 22. mai
Góðan morgun Føroyar 22. mai 2019
94751
Mikudag 22. mai
Morgunlestur mikudagur 22. mai 2019
94654
Týsdag 21. mai
Áðrenn Elvis: Synd 1
94755
Týsdag 21. mai
Góðan morgun Føroyar 21. mai 2019
94712
Nýggjastu sendingar í SV
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619