- Tíðindi, mentan og ítróttur
Løkke ávarar Grønland
Grønland má taka støðu til, um Grønland framhaldandi vil vera ein partur av Ríkisfelagskapinum.
Tað segði danski forsætisráðharrin Lars Løkke Rasmussen, tá fyrispurningar vóru til viðgerðar í Fólkatinginum í gjár.
Søren Espersen úr Danska Fólkaflokkurin, spurdi forsætisráðharran um fullveldisgongdina og búskapin í Grønlandi.
Lars Løkke Rasmussen staðfesti, at Grønland ikki kann fáa blokkstuðul úr Danmark, um so er, at Grønland verður sjálvstøðugt.
Forsætisráðharrin greiddi Fólkatinginum frá, at Grønland hevur stórar búskaparligar avbjóðingar fyri framman. Eitt nú ætlar Grønland at gera tríggjar nýggjar flogvallir, sum ikki eru haldførir.
- Yvirskipað er støðan tann, at Grønland hevur sera stórar búskaparligar avbjóðingar, um Grønland verður sjálvstøðugt, sigur Lars Løkke Rasmussen.