- Tíðindi, mentan og ítróttur
Óheppið at ganga ímóti heilsufakligu tilmælunum
Landsstýriskvinnan í heilsumálum, Sirið Stenberg, vísir á, at fólkatingið hevur samtykt at gera eina royndarskipan við medisinskum kannabis, hóast fakfólk ávara um hetta. Hetta er óheppi, heldur hon.
Jenis av Rana, sum hevur lagt uppskot fyri løgtingið um eina royndarskipan við medisinskum kannabis, heldur tað eisini vera óheppið at ganga ímóti heilsufakligu tilmælunum.
Men í hesum føri er tað neyðugt, tí heilsumyndugleikarnir lurta ikki.
Uppskotið hjá Jenisi av Rana kemur til fyrstu viðgerð í løgtinginum 7. februar.
Sirið Stenberg vil ikki beinleiðis ráða løgtinginum frá at samtykkja uppskotið hjá Jenis av Rana um royndarskipan við kannabis, men hon mælir til at brúka verandi møguleikar fyrst.
Jenis av Rana sigur seg vóna, at føroyskir politikarar eru djarvir, tá teir skulu trýsta á atkvøðuknøttin.