- Tíðindi, mentan og ítróttur
Granskarar ovfarnir av nógva plastinum í sjónum
Plast er at finna í ísinum, í havinum ímillum Grønland og Svalbard og á strondunum á Svalbard.
Hildið verður, at talan er um 79.000 tons av ruski, og av tí er tað mesta plast.
- Tað sum órógvar okkum mest, eru smáu plastpettini, sum eru minni enn ein millimetur, tí eingin veit hvørja ávirkan smáu pettini kunnu hava á fisk og fugl, sigur ein av granskarunum, Ingeborg Hallanger við Norska Kringvarpið.
Hon vísir á, at plastið ikki hvørvur úr náttúruni, men syndrast í smærri og smærri pettir.
Mikroplast er í tannkremi, húðkremi, sminku og øðrum, samstundis sum nógv mikroplast er í syntetiskum klæðum, og fer í náttúruna tá klæðini verða vaskað, tí plastið verður ikki fangað í reinsianleggunum, men fer beinleiðis í havið.