Hevði 106 posar við rúsevnum innvortis

Hevði 106 posar við rúsevnum innvortis
Løgreglan á flogvøllinum í Keflavík í Íslandi legði í fjør hald á tilsamans góð 42 kilo av sterkum rúsevnum
Mynd: facebook: Løgreglan á Suðurnesjum  
 
26.01.2018 - 09:52

Talan er um 46 ymisk mál, sum fevna um tilsamans 35 kilo av kokaini, sløk sjey kilo av amfetamini, 196 gramm av meta-amfetamini, og 61 gramm av MDMA. Løgreglan hevur eisini lagt hald á 240 gram av hasji.

Fulla sodningarleið

Ein belgiskur maður, sum løgreglan í Keflavík kannaði, hevði nærum eitt kilo av kokaini uppi í sær. Kokaini varð pakka í 106 pakkar, sum vórðu fjaldir í sodningarleiðini. 

Íslendska løgreglan hevur ongantíð funnið so stóra nøgd av rúsevni innvortis í einum persóni. 

Hol á posa

Ein álvarslig hending var í oktober í fjør, tá ein ungur íslendingur royndi at smugla 42 pakkar av rúsevnum innvortis. Hol kom á ein av pakkunum, sum fór at leka, og maðurin var í skundi fluttur á sjúkrahús, - skurðviðgerðin tók tríggjar tímar.

Rúsevni, sum verða smuglað innvortis, eru sum oftast reinari, upp í 90 prosent rein, enn tey eru, tá tey verða seld. Tá eru tey í miðal 7 - 15 prosent rein. 

Út frá hesum metur løgreglan, at tey 42 kilo'ini høvdu verið blandað til 300 kilo, tá tey høvdu verið seld á gøtuni.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858