Bretskur dómstólur vil hava Assange handtiknan

Bretskur dómstólur vil hava Assange handtiknan
Ein bretskur dómstólur heldur fast við, at Julian Assange skal handtakast. Assange vil hava dómstólin at sleppa kravinum um handtøku
 
07.02.2018 - 10:04

Wikileaks-stovnarin hevur biðið dómstólin í London um at sleppa kravinum um, at hann skal handtakast, so hann kann fara av sendistovuni í Ekvador í bretska høvuðsstaðnum, har Assange hevur hildið til í meira enn fimm ár.

Boðini um, at hann skuldi handtakast, vórðu givin, tá Assange breyt regluna um, at hann kundi verða latin leysur móti veðhaldi.

Hann flýddi síðani í sendistovuna hjá Ekvador í London.

Myndugleikarnir í Ekvador góvu honum friðskjól og ríkisborgararætt. Men av tí at bretar hava givið boð um, at Assange skal handtakast, kundi hann ikki fara av sendistovuni í London og víðari til Ekvador.

Svenskir myndugleikar hava fyrr kravt at fáa Assange útflýggjaðan fyri ákærur um neyðtøku. Assange noktar seg sekan í ákærunum.

Í mai í fjør slepti Svøríki kravinum um at fáa Julian Assange útflýggjaðan. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585