Vinnunevndin ikki samd um veiðigjaldi

bannari
09.02.2018 - 12:36
AktueltPolitikkur
Vinnunevndin ikki samd um veiðigjaldi
Forkvinnan í Vinnunevndini, Bjørt Samuelsen, vil einki siga um veiðigjaldið annað enn, at tillagingar verða viðgjørdar
Mynd: Savnsmynd  
 
 

Nevndin hevði fund í gjár, men tá viðgjørdi hon uppskotið hjá Poul Michelsen, landsstýrismanni, um nýggja alilóg.

Forkvinnan í Vinnunevndini, Bjørt Samuelsen, vil einki siga um veiðigjaldið annað enn, at tillagingar verða viðgjørdar.

Uppskotið hjá Høgna Hoydal, landsstýrismanni, er, at tey, sum fiska, skulu gjalda landskassanum tilfeingisgjald fyri serliga stóra vinningin, sum fiskiskapurin kann geva.

Men í Vinnunevndini er sum skilst ikki semja um uppskotið, um hvussu nógv skal krevjast frá flotanum og hvussu, tað skal gerast.

Semja er sum vera mann ikki millum samgongu og andstøðu, men heldur ikki í samgonguni er semja um veiðigjaldið.  

Vinnunevndin hevur í hesum umfarinum fingið freist til 16.februar at koma við áliti um uppskotið um veiðigjald. 

Nevndin hevur havt uppskotið síðani 16. november.

Vinnunevndin hjá løgtinginum hevur fund aftur týsdagin.

 

Nýggjastu sendingar í ÚV
Mánadag 23. apríl
Norðurljóð 23.apríl 2018
80170
Mánadag 23. apríl
Meg minnist: Niels Nattestad (3:4)
80140
Sunnudag 22. apríl
Guðstænasta í Argja kirkju
80126
Sunnudag 22. apríl
Upp á tá 20 apríl 2018
80118
Nýggjastu sendingar í SV
Mánadag 23. apríl
3-2
80181
Sunnudag 22. apríl
Møti úr Ebenezer í Havn
80107
Sunnudag 22. apríl
Andaktin
80122
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994