ALS-lógin broytast

13.02.2018 - 08:10
AktueltSamfelag
ALS-lógin broytast
Ein dómur í Føroya rætti hevur fingið Samferðslumálaráðið at gera uppskot um at broyta lógina um Arbeiðsloysistryggingina.
Mynd: Savnsmynd  
 
 

Lógin um ALS skal broytast, so hon samsvarar við norðurlendska sáttmálan um almannatrygd. 

Sambært dóminum frá 15. mai í fjør hevði ein føroysk fyritøka ikki skyldu til at rinda til ALS av lønarinntøkum í Noregi, sum sambært skattalógini ikki eru at rokna sum A-inntøkur. 

Dómurin staðfestir eisini, at tað samsvarar ikki við norðurlendska sáttmálan um almannatrygd, at fyritøkan slapp undan at rinda arbeiðsloysisgjøld bæði í Noregi og í Føroyum.

Høvuðsreglan er, at arbeiðstakarar skulu rinda sosial gjøld, og harvið verða sosialt tryggjaðir í tí landi, har arbeitt verður.

Í avtalum við Noreg fyri ávísar yrkisbólkar ber tó til at søkja um at sleppa undan at vera tryggjaður í Noregi við teirri fyritreyt, at teir rinda øll sosial gjøld í Føroyum. 

Skyldan at rinda sosialu gjøldini áliggur bæði løntakaranum sjálvum og arbeiðsgevara hansara, eisini um talan er um útlendskan arbeiðsgevara. 

Men dómurin í Føroya rætti staðfestir, at neyðug heimild er ikki í ALS-lógini at áleggja arbeiðstakarum og arbeiðsgevarum at rinda ALS-gjald av slíkum inntøkum í Noregi, sum ikki eru føroyskar A-inntøkur. 

Tann heimildin skal nú í lógina, so fólk, sum arbeiða í Noregi, og arbeiðgevarar teirra, kunnu rinda til ALS.

Nýggjastu sendingar í ÚV
Mikudag 21. februar
Morgunlestur mikudagur 21. februar 2018
77560
Týsdag 20. februar
Hjálpirøturnar í bláa húsinum
77797
Týsdag 20. februar
Á Quiztinum, 5. innleiðandi umfar
77694
Týsdag 20. februar
Morgunlestur týsdagur 20. februar 2018
77559
Nýggjastu sendingar í SV
Mánadag 19. februar
3-2
77770
Sunnudag 18. februar
Andakt við Jógvani Højgaard
77724
Sunnudag 18. februar
Møti úr Emmaus í Klaksvík
77710
Leygardag 17. februar
Hondbóltur: Kyndil - H71
77693
Leygardag 17. februar
Hondbóltur: VíF - Kyndil
77691