Atlantsflog leigar nýggjan Airbus

13.02.2018 - 08:59
AktueltSamfelag
Atlantsflog leigar nýggjan Airbus
Atlantic Airways og amerikanska felagið, Air Lease, hava skrivað undir sáttmála um, at Atlantsflog langtíðarleigar eitt nýbygt Airbus 320neo flogfar
 
 

Atlantsflog fær eitt nýtt og framkomið Airbus-flogfar næsta ár.

Tað verður sett í flúgving í fyrsta ársfjórðingi í 2019, og kemur aftrat teimum báðum Airbus-flogførunum, sum Atlantsflog eigur frammanundan. 

Ætlanin er at seta nýggja flogfarið í regluliga flúgving á høvuðsfarleiðini millum Føroyar og Keypmannahavn.

Airbus A320neo-flogfarið tekur 174 ferðafólk, brúkar minni olju og hevur minni CO2-útlát enn hini Airbus-flogførini. 

Nýggja flogfarið verður útgjørt við framkomnu navigatiónstøknini hjá Airbus, ið seinastu árini hevur bøtt munandi um reglusemið hjá felagnum til og úr Vágum. 

Tá nýggja flogfarið er komið, verður Airbus-flogfarið, sum Atlantsflog hevur leigað seinastu árini, latið aftur. 

28. mars eru liðin 30 ár, síðani Atlantsflog fleyg fyrsta túrin úr Vágum til Keypmannahavnar. 

Síðani er rutunetið nógv víðkað, og felagið flýgur nú eisini til Billund, Aalborg, Bergen, Reykjavíkar, Edinburg, Barcelona, Mallorca, Lissabon, Malta og Gran Canaria. 

Nýggjastu sendingar í ÚV
Hósdag 13. desember
Morgunlestur hósdagur 13. desember 2018
88453
Mikudag 12. desember
Valstríð og grundgevingar
88868
Mikudag 12. desember
Jóngerð Midjord er gestur í Dansivali
88855
Mikudag 12. desember
Mono 12 des 2018
88849
Mikudag 12. desember
Leygardagur 08.12.18
88848
Nýggjastu sendingar í SV
Hósdag 13. desember
Kari-Anne í Røst (6:6)
87893
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713
Leygardag 8. desember
Hvat bagir? (6:8)
87235
Fríggjadag 7. desember
Lyst 24
88747