Kyndil og VÍF í finalu fyri fyrstu ferð

13.02.2018 - 08:14
ÍtrótturHondbóltur
Kyndil og VÍF í finalu fyri fyrstu ferð
Kyndil og VÍF møtast í kvinnufinaluni, tað er ikki hent áður
 
 

Leygardagin spæla kvinnurnar hjá Kyndli og VÍF steypafinalu í hondbólti, tað er ikki komið fyri áður.

Spælt hevur verið um steypið síðan 1987. Kyndil og VÍF hava bæði roynt at vinna kappingina tríggjar ferðir.

VÍF var í finaluni fyri fyrstu fer í 1999, og tá eydnaðist eisini vestmenningum at vinna kappingina við sigri á StÍF í finaluni.

Steypasigrar hjá VÍF

1999 VÍF-StÍF 21-20
2001 VÍF-VB 31-18
2002 VÍF-Stjørnan 22-18

Kyndil hevði longu verið í fimm finalum - allar ímóti Neistanum, áðrenn tað eydnaðist at vinna tí fyrstu í 2000.

Steypasigrar hjá Kyndli

2000 Kyndil-VB 22-21
2014 Kyndil-Neistin 19-14
2017 Kyndil-Neistin 26-21

Oddalið í landkskappingini í steypafinaluni

VÍF og Kyndil liggja ávikavist nummar eitt og tvey í landskappingini.

Tey hava spælt tríggjar ferðir ímóti hvørjum øðrum í landskappingini, Kyndil hevur vunnið ein og VÍF hevur vunnið tveir.

11.10.2016 VÍF-Kyndil 26-21
11.01.2017 Kyndil-VÍF 32-29
14.01.2017 Kyndil-VÍF 15-21

Hondbóltsfinalur beinleiðis í sjónvarpinum

Kringvarpið vísir finaluna beinleiðis, og aftaná verður mansfinalan víst beinleiðis.

13.20 Kyndil-VÍF (kvinnur)
15.50 Kyndil-H71 (menn)

Hóskvøldið verður upptakt til báðar finalurnar í ítróttinum í Degi og viku.

Nýggjastu sendingar í ÚV
Hósdag 16. august
Morgunlestur hósdagin 16. august 2018
82950
Mikudag 15. august
Morgunlestur mikudagin 15. august 2018
82949
Týsdag 14. august
Summartímin mánadagin 13. august
84214
Týsdag 14. august
Morgunlestur týsdagin 14. august 2018
82947
Mánadag 13. august
Summartímin fríggjadagin 10. august
84177
Nýggjastu sendingar í SV