Ravmagnstilboð upp á tunlar

13.02.2018 - 09:02
AktueltSamfelag
Ravmagnstilboð upp á tunlar
Tvey tilboð komu upp á arbeiðið at gera ravmagns- og trygdarskipanir í Eysturoyar- og Sandoyartunlunum.
Mynd: Savnsmynd  
 
 

Lægra tilboðið er frá Roxel AS, har føroysku fyritøkurnar, EL Service og LM Electric, eisini eru við. Tað er 146,7 milliónir krónur.

Hitt tilboðið er frá ABB AS og Kvinnherad Elektro AS, og er upp á slakar 159 milliónir krónur.

Fyri at fáa fíggingina til báðar tunlarnar til vega í 2016, meðan fíggingarmøguleikarnir vóru góðir, og rentan lág, vóru bara tunlarnir bodnir út.

Tunnilsfelagið sigur, at tað hevur ikki borið til at fáa projekteringina og útboðið av ravmagns- og trygdarskipanunum liðugt fyrr enn nú.

Váðin at bíða var ov stórur, og harumframt kundi arbeiðið upp á sjálvt tunnilsarbeiðið byrjað fyrr. Tí varð tunnilsarbeiðið boðið út fyri seg. 

Tilboðini upp á ravmagns- og trygdarskipanirnar verða nú kannað til tess at tryggja, at tey samsvara við útbjóðingartilfarið.

Ætlanin er at skriva undir sáttmála um arbeiðið í vár, sigur tunnilsfelagið. 

Tað gongur væl at gera Eysturoyartunnilin. 

Ein triðingur av tunlinum er sprongdur, ella tilsamans 3.770 metrar.

Í síðstu viku vórðu sprongdir 54 metrar á Hvítanesi. Har eru gjørdir 1807 metrar tilsamans.

Frá rundkoyringini suður móti Hvítanesi eru sprongdir tilsamans 153 metrar, og móti Rókini eru nú gjørdir tilsamans 185 metrar.
 

Nýggjastu sendingar í ÚV
Mikudag 21. februar
Morgunlestur mikudagur 21. februar 2018
77560
Týsdag 20. februar
Hjálpirøturnar í bláa húsinum
77797
Týsdag 20. februar
Á Quiztinum, 5. innleiðandi umfar
77694
Týsdag 20. februar
Morgunlestur týsdagur 20. februar 2018
77559
Nýggjastu sendingar í SV
Mánadag 19. februar
3-2
77770
Sunnudag 18. februar
Andakt við Jógvani Højgaard
77724
Sunnudag 18. februar
Møti úr Emmaus í Klaksvík
77710
Leygardag 17. februar
Hondbóltur: Kyndil - H71
77693
Leygardag 17. februar
Hondbóltur: VíF - Kyndil
77691