Nýggj smoltstøð fingið góðkenning sum kann kærast

14.02.2018 - 09:54
AktueltVinna
Nýggj smoltstøð fingið góðkenning sum kann kærast
Treytir eru við góðkenningini, sum Umhvørvisstovan hevur latið
Smoltstøðin hjá Bakkafrosti á Strond á Borðoynni.
 
 

Umhvørvisstovan hevur góðkent virksemið á smoltstøðini hjá Bakkafrosti á Strond á Borðoynni.

Á smoltstøðini verða rogn, sum verða keypt frá øðrum veitara ald til smolt. 

Størsti parturin av smoltunum verður fluttur beinleiðis í brunnbát og settur út í aliringar. 

Smoltini fara at viga um 500 gramm. 

Smoltstøðin hevur valt eina vatnreinsiskipan, sum ger tað møguligt at endurnýta 99,7 prosent av vatninum.

Tí fer smoltstøðin at klára seg við 100 rúmmetrum av nýggjum vatni um tíman.

Dálking

Ein ávís dálking kann koma frá smoltstøðum.

Hon stavar millum annað frá fóðri og skarni. 

Tí er serligur dentur lagdur á í góðkenningini, at skarn og avlop av fóðri ikki hópa seg upp og elva til dálking á botninum.

Góðkenningin hevur ta treyt, at Bakkafrost Farming kannar botnin, har sum útleiðingin verður gjørd. 

Um tað vísir seg, at útleiðingin elvir til dálking, sum ikki er uttan týdning, kann Umhvørvisstovan krevja, at bøtandi atgerðir verða gjørdar.

Fleiri treytir

Eisini eru treytir settar um ampar av óljóði, lukti og øðrum.

Tey, sum hava kærurætt, kunnu kæra umhvørvisgóðkenningina til landsstýriskvinnuna í umhvørvismálum.

Kærurætt hava tey, sum avgerðin hevur ein serstakan, beinleiðis og persónligan týdning fyri, sigur Umhvørvisstovan. 

Nýggjastu sendingar í ÚV
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308