Danska fiskivinnan óttast Brexit

04.03.2018 - 10:31
Aktuelt
Danska fiskivinnan óttast Brexit
Michel Barnier, samráðingarleiðari fyri ES, hevur júst verið á vitjan hjá donsku fiskivinnuni
 

- "Vit fara at tosa um evnir, sum hava beinleiðis samband. Og tað er okkara atgongd til bretskan sjógv og teirra atgongd til okkara marknað".

Soleiðis segði Michel Barnier, samráðingarleiðari fyri ES, tá hann var á vitjan hjá donsku fiskivinnuni í Thyborøn, skrivar DR.

Danska fiskivinnan óttast fyri at missa inntøkur, tá Bretland fer úr ES.

Sambært einari frágreiðing frá Allborg Universitet, sum var almannakunngjørd í januar, fiska danir fyri eina milliard krónur í bretskum sjógvi. Sambært frágreiðingini eru millum 272 og 844 donsk arbeiðspláss í vanda, orsakað av Brexit.

Bretland kann sýta skipum úr ES-londum at fiska í bretskum sjógvi. Men hetta kann eisini fáa avleiðingar fyri bretsku fiskivinnuna. Tí Bretland útflytir fisk og skeljadjór fyri 7,5 milliardir krónur um árið. Ætlar Bretland tí at sýta skipum úr ES at fiska í bretskum sjógvi, kann ES leggja stóran toll á fisk úr Bretlandi.

- "Michel Barnier greiddi frá, at hann sum samráðingarleiðari hjá ES í samband við Brexit er sinnaður at leggja trýst á Bretland. Men hann kann tó einans gera, um hann fær stuðul frá teimum 27 ES-londunum", sigur Ole Ryborg, ES-serfrøðingur hjá DR.

Tí verður tað mett vera neyðugt, at danski forsætisráðharin Lars Løkke Rasmussen má ganga á odda í at geva Barnier heimild at seta hørð krøv í fiskivinnu-samráðingunum, skrivar DR.

 

 
Nýggjastu sendingar í ÚV
Fríggjadag 18. oktober
Óhoyrt: Proppað við óhoyrdum gullkornum
100053
Fríggjadag 18. oktober
Pressan: Fótbóltur fyrst og fremst
100039
Fríggjadag 18. oktober
Morgunlestur fríggjadagur 18. oktober 2019
99850
Hósdag 17. oktober
Breddin
100021
Hósdag 17. oktober
Nón - 17. oktober 2019
100017
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745