Løgtingsnevndir viðgera 24 uppskot fyrrapartin

bannari
06.03.2018 - 07:54
AktueltPolitikkur
Løgtingsnevndir viðgera 24 uppskot fyrrapartin
Trivnaðarnevndin fer í gongd við fyrstu hoyringar í samband við uppskot um royndarskipan við medisinskum kannabis í Føroyum
 
 

Nógv virksemi er í løgtinginum fyrrapartin. Klokkan eitt korter til tíggju fara Trivnaðarnevndin, Vinnunevndin og Fíggjarnevndin á fund. Umframt kannabis-málið skal Trivnaðarnevndin millum annað viðgera eitt lógaruppskot frá Eyðgunn Samuelsen, landsstýriskvinnu í almannamálum, um at broyta viðbótina til ávísar pensjónistar. Eisini skal Trivnaðarnevndin viðgera uppskot til samtyktar frá Sambandsflokkinum um viðgerðartrygd til allar føroyingar. Somuleiðis er Pensjónsnýskipanin á skránni fyri fundin í Trivnaðarnevndini.

Trivnaðarnevndin hjá løgtinginum hevur sent boð eftir fýra fólkum í samband við cannabis-málið. Ein teirra er Gunnvá Tróndardóttir Joensen, sum er millum teirra, sum hava strongt á at geva sjúklingum betri atgongd til cannabis. Trivnaðarnevndin ætlar eisini at kalla millum annað landsapotekaran, landslæknan og umboð fyri kommunulæknarnar á fund um hetta málið. Jenis av Rana, tingmaður fyri Miðflokkin, hevur lagt uppskot fyri løgtingið. Talan er um uppskot til samtyktar, har heitt verður á landsstýrið um at leggja uppskot fyri løgtingið um royndarskipan við medisinskum cannabis. Seinni skulu boð sendast eftir fleiri,

Veiðigjaldi er á skránni á fundinum í Vinnunevndini, sum eisini skal umrøða ætlaðu broytingarnar í alilóggávuni.

Fíggjarnevndin hevur sett ikki færri enn 14 mál á skrá fyri sín fund í morgun. Millum málini eru uppskotið hjá Sonju Jógvansdóttir um at gjald til yrkisfeløg skal kunna dragast frá í skatti.

Hóast mál eru sett á skrá fyri nevndarfundir, so er tó langt frá altíð, at løgtingsnevndin nær at viðgera tey.

Tingfundur byrjar klokkan 11. Á skránni er millum annað broytingar í lógini um tryggingarvirksemi og tvey uppskot til samtyktar frá Sambandsflokkinum, ávíkavist um at byggja kampus og akademiskan vitanardepil og at seta á stovn eina listaskúlaskipan.

 

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538