- Allir føroyingar eru kristnir

bannari
07.03.2018 - 15:27
AktueltPolitikkur
- Allir føroyingar eru kristnir
Tað sigur Heðin Mortensen, sum heldur, at hetta skal síggjast aftur í stjórnarskipanarlógini
 

Í uppskotinum stendur í grein 12 um trúarfrælsi, at kristnitrúnni kunnu verða veittar serligar sømdir, tó uttan at gera seg inn á aðrar fatanir, og at fólkakirkjan eigur lut eftir gomlum siði. 

Men Heðin Mortensen heldur, at greinin um kristindóm væl kann herðast eitt sindur.

- Eg haldi sjálvur, at hon kann gott skerpast eitt sindur. Innast inni, haldi eg, at um vit taka samanum, so eru allir føroyingar kristnir, og Føroya land er eitt kristið land. Tað er eingin ivi hjá mær, sigur Heðin Mortensen.

Mugu verja okkum

Formaðurin í nevndini, sum viðgerð Stjórnarskipan Føroya heldur eisini, at vit eiga at verja okkum móti fremmandum átrúnaðum, sum sambært honum eru farnir at dominera nógv í Europa.

- Vit síggja í gerandisdegnum, hvussu Evropa sær út, hvussu umskipað alt blívur og eisini, hvussu dominerandi ávísir trúðarbólkar blíva. Nú hugsi eg ikki um okkara trúarbólkar, sum vit hava her ella okkara slag. Men meira tað sum kemur inn á okkum. Tað haldi eg, at vit eiga at verja okkum.

Sigur Heðin Mortensen, formaður í grein-25-nevndini hjá løgtinginum,  við sendingina Radarin. 

Radarin er á skránni klokkan 17.05 í dag.

Til ber eisini at hoyra Radaran á heimasíðu okkara ella sum podcast.

 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Nýggjastu sendingar í SV
Mikudag 24. apríl
25 minuttir: Andrias Høgenni
93252
Sunnudag 21. apríl
Ein stór løta
93495
Sunnudag 21. apríl
Andaktin
93717
Sunnudag 21. apríl
Guðstænasta úr Glyvra kirkju
93718
Sunnudag 21. apríl
Flogbóltur: Mjølnir - Fleyr, mansfinala
93706