Uppboðssølan til hoyringar

bannari
07.03.2018 - 11:48
AktueltPolitikkur
Uppboðssølan til hoyringar
Loksins er kunngerðin um uppboðssøluna av svartkjafti, norðhavssild, makreli og botnfiski í Barentshavinum liðug og send til hoyringar
 
 

Sølukvotur verða seldar fyri eitt, trý ella átta ár í senn, og Vørn skal hava trygd fyri, at gjaldið fyri rættindini at veiða, verður goldið sambært gjaldsfreistunum.

Trygdin skal vera givin, tá boð verður latið inn at keypa, og trygdin skal verða galdandi, til rokningin er goldin.

Fyri 3 og 8 ára rættindi skal trygd setast á hvørjum ári, og keyparin kann ikki geva boð fyri hægri upphædd enn ta trygd, sum er givin.

Landsstýrismaðurin boðar frá alment á heimasíðuni hjá Vørn, nær selt verður á opnari uppboðssølu av teimum nøgdum,
sum ikki verða bjóðaðar út á afturlatnari uppboðssølu.  Afturlatin uppboðssøla merkir, at bjóðað verður innan ásetta tíð í brævbjálva. Vørn er uppboðssøluhaldari av bæði afturlatnari og opnari uppboðssølu, men kann gera avtalu við privatan at halda opna uppboðssølu.

Opin uppboðssøla merkir, at øll, ið bjóða, síggja allar upphæddir, ið bodnar verða. Og bjóðað verður, til ongin longur bjóðar yvir. Tann, sum bjóðar hægst, fær útbodnu nøgdina til tann prísin, ið svarar til boðið.

Landsstýrismaðurin kann áseta minstaprís, áðrenn sølan fer í gongd. 

Nøgdin, sum skal seljast á uppboðssølu, er 25 prosent av heildarkvotuni av svartkjaftinum og 15 prosent av makrelinum, norðhavnssildini og botnfiskinum í Barentshavinum.

Til ber at lesa kunngerðina, sum m.a. er send Fiskivinnuráðnum til hoyringar, á tinganes.fo.
 

Nýggjastu sendingar í ÚV
Týsdag 25. september
HB vann FM í Klaksvík
85729
Týsdag 25. september
Sunnudagstónar 23. september 2018
85728
Týsdag 25. september
Morgunlestur týsdagur 25. september 2018
85418
Mánadag 24. september
Við Tórði á túri í Skarðsvík í Fugloy
85703
Mánadag 24. september
Norðurljóð 24.september 2018
85700
Nýggjastu sendingar í SV
Mánadag 24. september
3-2
85719
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398