Bilar tyngja arbeiða hjá Landsverki

08.03.2018 - 09:59
Aktuelt
Bilar tyngja arbeiða hjá Landsverki
Landsverk roynir at grava um Velbastaðháls, har tað ikki hevur verið koyrandi í morgun, men tað er torført, tá nógva ferðslan heldur á
 
 

Ferðslan um Velbastaðháls er framvegis nógv, hóast Landsverk hevur boðað frá, at har ikki er koyrandi. Tískil brúkar Landsverk nógva orku uppá at flyta bilar, ið hava koyrt seg fastar í kavanum. 

Sum nú er, er eitt spor grivið um Velbastaðháls. Bjarni Petersen, økisleiðari hjá Landsverki sigur, at um Landsverk fær frið at grava, er størri møguleiki fyri, at Landsverk fær grivið kavan á báðum koyribreytunum vekk.  

Bjarni Petersen sigur, at tað tyngir arbeiðið hjá Landsverki, at so nógvir bilar hava koyrt seg fastar um Velbastaðháls. Í løtuni royna teir at vita um Sløkkiliðið kann hjálpa at flyta bilarnar, soleiðis at tað verður sloppið undan at skumpa bilarnar burtur, tá hetta ger skaða á bilarnar. 

Tískil heitir Landsverk á bilførarar um ikki at koyra um Velbastaðháls. 

Ikki koyrandi til Gjáar og á Oyggjarvegnum

Hann sigur eisini, at tað framvegis ikki er koyrandi til Gjáar, men at teir eru komnir niðan á Skarð nú. Koyrilíkindi eru vánalig, og tað fýkur illa. 

Á Oyggjarvegnum er grivið til Mjørkadals, og grivið verður víðari móti Norðradali hesa løtuna. 

Veðrið sær annars frægari út, og tað sær eisini út til, at tað bara verður frægari, sum dagurin gongur, sigur Bjarni Petersen. 

 

Nýggjastu sendingar í ÚV
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Fríggjadag 21. september
Morgunlestur fríggjadagur 21. september 2018
85415
Hósdag 20. september
Nón í Vestmanna
85591
Hósdag 20. september
Morgunlestur hósdagur 20. september 2018
85414
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409