Orkufeløg vraka differentieraðar elprísir

08.03.2018 - 11:41
AktueltVinna
Orkufeløg vraka differentieraðar elprísir
Magn og Effo eru harðliga ímóti ætlanini at loyva SEV at selja streym til hitapumpur og elbilar við avsláttri
Illa gjøgnumhugsað stuðulslóggáva til frama fyri SEV, siga privatu orkufeløgini um ætlanina at loyva SEV at selja bíligari streym til hitapumpur og elbilar
 
 

Orkufeløgini Magn og Effo eru harðliga ímóti ætlanini at loyva SEV at differentiera el-prísirnar og harvið selja streym til hitapumpur og elbilar við avsláttri.

Magn skýrir lógaruppskotið at vera eina reina stuðullóggu til frama fyri SEV.

- Vit ivast ikki í, at avslátturin skal vera agnið, sum skal lokka brúkaran til endaliga at stavnsbinda seg til SEV, skrivar Magn í hoyringarsvarinum.

Magn sigur seg eisini ivast í, um avslátturin er í stríð við grein-10 í elveitingarlógini, sum sigur at ”netvirksemið skal fíggjarliga hvíla í sær sjálvum, soleiðis at inntøkurnar eru hóskandi til at gjalda fyri rakstur og ætlaðar neyðugar íløgur.

Um prísásetingin hjá SEV er í samsvar við hesa áseting ídag, so verður hon tað ikki eftir ætlaða, ógvusliga avslátturin, uttan so at ein stór eykarokning verður send til teir brúkarar, sum ikki fáa lut í avsláttrinum, sigur Magn í hoyringarsvarinum.

Effo skrivar í sínum hoyringarsvari, at eitt minstakrav má vera, at SEV alla tíðina má kunna prógva, at ein komandi meir-framleiðsla av streymi, ið skal seljast til vaksandi talið av hitapumpum og elbilum, eisini er varandi og grøn orka.

- Vísir tað seg ikki at fara at verða soleiðis, hvat ætlar tað almenna tá at gera. Kann tað hugsast, at man framhaldandi hevði hildið á at favorisera el-bilar og hitapumpur, spyr Effo í hoyringarsvarinum.

Effo heldur eisini, at landsstýrið eigur at lýsa samlaðu fíggjarligu ávirkanina av politikkinum, sum skal fáa allar føroyingar at brúka elorku, heldur enn aðrar orkukeldur.

Bæði orkufeløgini vísa á, at lógaruppskotið um fær stórar búskaparligar avleiðingar fyri landið, fyri SEV og fyri tey, sum ongan ágóða fáa av avsláttrinum.

Les eisini: Bíligari streym til hitapumpur og elbilar

Nýggjastu sendingar í ÚV
Sunnudag 16. desember
Credo : Vel tað góða
88936
Leygardag 15. desember
Also: Tveit ikki barnið úr songini
88979
Leygardag 15. desember
Morgunlestur leygardagur 15. desember 2018
88455
Nýggjastu sendingar í SV
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893
Mikudag 12. desember
Úr savninum: Gullnám í 60 ár 5:5
88842
Sunnudag 9. desember
Andaktin
88722