Runavíkar Kommuna finst at miðsavningarætlan

08.03.2018 - 10:37
AktueltSamfelag
Runavíkar Kommuna finst at miðsavningarætlan
Runavíkar Kommuna finst hvassliga at leistinum, har allur inn- og útflutningur í landinum skal flytast um bryggjukant hjá Tórshavnar Kommunu.
 
 

- Ráðandi miðsavningarætlanin hjá flutningsfeløgunum gjørdi, at allur inn- og útflutningur í landinum skuldi um bryggjukant í Tórshavnar Kommunu, eini kommunu sum ikki framleiðir eitt gramm til útflutnings. Tað kom at merkjast kring alt landið.

Soleiðis skrivar Runavíkar Kommuna á heimasíðuni, nú roknskapartølini fyri Runavíkar Havn verða løgd fram. Kommunan sipar til inntøkurnar frá havna-, brúgva- og vørugjøldum, sum í nógv størstan mun koma Tórshavnar Havn til góðar.

- Ongin hevði mansmót til at steðga hesi tilvild, og eftir øllum at døma finst hetta dirvið framvegis ikki í almennum ella kommunalum regi, skrivar Runavíkar Kommuna á heimasíðuni.

Hóast kommunan eftirlýsir eitt javnari býti av inntøkunum frá inn- og útflutningi, so gjørdist 2017 besta árið hjá Runavíkar Havn higartil.

Inntøkurnar hjá Runavíkar Havn vóru í fjør 19 milliónir krónur, tað eru tríggjar milliónir meira enn árið fyri.

Runavíkar Havn verður í hesum døgum bygt út. Ein 220 metrar langur bryggjukantur við 12 metra dýpi skal gerast, og íløgan er mett at kosta millum 40 og 45 milliónir krónur.

Nýggjastu sendingar í ÚV
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Fríggjadag 21. september
Morgunlestur fríggjadagur 21. september 2018
85415
Hósdag 20. september
Nón í Vestmanna
85591
Hósdag 20. september
Morgunlestur hósdagur 20. september 2018
85414
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409