Tilfeingisgjøld í Búskapargrunn

08.03.2018 - 08:51
AktueltPolitikkur
Tilfeingisgjøld í Búskapargrunn
Men fyrstu 400 milliónirnar frá fiskivinnuni og alivinnuni skulu tó í landskassan, sigur Kristina Háfoss
Landsstýrið kemur nú við sínum boði uppá, hvussu tilfeingisgjaldið frá fiskivinnuni og alivinnuni skal býtast millum landskassa og Búskapargrunn
 
 

Partur av tí, sum landskassin krevur inn í tilfeingisgjøldum frá fiskivinnuni og alivinnuni, skal í Búskapargrunnin.

Tað ætlar Kristina Háfoss, landsstýriskvinna í fíggjarmálum, sum vil broyta lóggávuna fyri Búskapargrunnin.

Sambært lógaruppskotinum skulu fyrstu 250 milliónir krónurnar, sum landskassin krevur inn frá fiskivinnuni, fara beinleiðis í landskassan, meðan inntøkur omanfyri 250 milliónir skulu í Búskapargrunnin. Fyrstu 150 milliónirnar av tilfeingisinntøkunum frá alivinnuni skulu í landskassan, meðan inntøkur omanfyri 150 milliónir skulu í Búskapargrunnin.

Í viðmerkingunum til lógaruppskotið ásannar Kristina Háfoss, at landskassin ikki hevur ráð at seta alt tilfeingisgjaldið í Búskapargrunnin. Inntøkurnar frá tilfeingsgjaldinum síðstu árini eru brúktar til at breiðka skattagrundarlagið, og eru í ávísan mun komnar í staðin fyri vanliga inntøkuskattin, ið er lækkaður.

Landsstýrið ætlar, at Búskapargrunnurin skal vera eitt konjunktur-javnandi amboð. Tað merkir, at í hákonjunkturi verða pengar settir í grunnin, og í lákonjunkturi kunnu pengar úr grunninum stuðla undir búskapin.

Nýggjastu sendingar í ÚV
Sunnudag 16. desember
Credo : Vel tað góða
88936
Leygardag 15. desember
Also: Tveit ikki barnið úr songini
88979
Leygardag 15. desember
Morgunlestur leygardagur 15. desember 2018
88455
Nýggjastu sendingar í SV
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893
Mikudag 12. desember
Úr savninum: Gullnám í 60 ár 5:5
88842
Sunnudag 9. desember
Andaktin
88722