Strika skrásetingargjaldið á bilum

09.03.2018 - 09:12
AktueltPolitikkur
Strika skrásetingargjaldið á bilum
Allir føroyingar skulu hava ráð til at keypa sær ein nýggjan og góðan bil, tað halda Bill Justinussen og Jørgen Niclasen
 

Allir føroyingar - eisini tey við lágum og miðal inntøkum - skulu hava ráð til at keypa sær ein nýggjan og góðan bil.

Tað ljóðar sum ein ynskidreymur - men tað er nú eitt lógaruppskot, sum løgtingið skal taka støðu til.

Einki skrásetingargjald í 2020

Bill Justiniussen úr Miðflokkinum og Jørgen Niclasen, úr Fólkaflokkinum, skjóta upp at strika skrásetingargjaldið á bilum.

Tað skal tó gerast í stigum yvir fimm ár, til tað er heilt burtur í 2022.

Miðflokkurin vísir á, at fyri tað mesta eru tað fólk við høgum inntøkum, sum hava ráð at keypa sær ein góðan bil. 

Tað gongur útyvir trygdina og komfortið hjá føroyingum. Við at strika skrásetingargjaldið í stigum yvir fimm ár, fara føroyingar við lágum og miðal inntøkum at hava møguleika at keypa sær bil, sum bert hálønt vanliga hava ráð at keypa í dag.

Neyðsynjarvøra

Bilur er ein grundleggjandi neyðsynjarvøra í gerandisdegnum hjá flestufólkum.

- Við ferðslutrygd fyri eyga er rætt at lóggeva, so at fólk, eisini tey við lágum og miðal inntøkum, hava umstøður at útvega sær ein góðan bil, sigur Miðflokkurin. 

Svøríki, Týskland og Ongland eru dømi um lond, har onki skrásetingargjald er á persónbilar. 

160 milliónir í Landskassan

Skrásetingargjaldið er í dag ein stórur partur av kostnaðinum fyri ein nýggjan bil. Í fjør fekk landskassin 160 milliónir krónur í inntøku frá skrásetingargjøldum á bilar.

Við at strika skrásetingargjaldið missir landskassin hesar inntøkur. Men tó roknar Miðflokkurin við, at landskassin fer at fáa nakað meira inn í meirvirðisgjaldi.

 
Nýggjastu sendingar í ÚV
Hósdag 29. oktober
Breddin
115516
Hósdag 29. oktober
Mono - Sangir hjá og um Hank Williams
115510
Hósdag 29. oktober
Ein og eitt verða brúkt ov nógv
115497
Hósdag 29. oktober
Góðan morgun Føroyar
115484
Hósdag 29. oktober
Jazzofonin - Norðurlenskur jazzur
115480
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261