Føroysk postsøga á uppboðssølu í Týsklandi

10.03.2018 - 14:08
AktueltSamfelag
Føroysk postsøga á uppboðssølu í Týsklandi
21. mars verður eitt týdningarmikið og spennandi savn, sum við brævbjálvum skjalprógvar elsta skrivliga samskiftið í Føroyum, selt á uppboðssølu
Føroysk postsøga á uppboðssølu í Wiesbaden í Týsklandi
Mynd: © Posta  
 
 

Postsøga er eitt frítíðarítriv, sum er væl betur umtókt enn flestu fólk geva sær far um. Tað er eitt ítriv, sum fólk við áhuga fyri samskiftismenningini ella søgu sum heild, eru sera upptikin av. Milliónir av fólki kring knøttin kunnu við hesum ítrivi “ferðast gjøgnum søguna”. Hetta skrivar frímerkjadeildin hjá Posta í tíðindaskrivi.

Hetta serstaka savn hevur Geoffrey Noer úr Kalifornia, sum eitt skifti búði í Føroyum og gjørdist føroyavinur, savnað. Savnið er mett til at hava eitt virði á 5 mió. krónur og verður selt á uppboðssølu í Wiesbaden í Týsklandi. Við í savninum hjá Noer er elsta bræv sent úr Føroyum, elsta bræv sent innanoyggja í Føroyum og elsta bræv sent til Føroya.

Savnið skjalprógvar eisini hvussu føroysk posthús fóru at prenta yvir frímerki, tá frímerkjatrot var og hvussu postsambandið var undir øðrum heimsbardaga.

Savnið hjá Geoffrey Noer hevur vunnið størstu atljóða virðislønir í framsýningum og kappingum. Heinrich Koehler hevur eisini givið út bók um hetta serstaka savn. Bókin ber heitið “Faroe Islands – Postal History 1751-1948 – The Geoffrey Noer Collection”.

Nýggjastu sendingar í ÚV
Leygardag 15. desember
Morgunlestur leygardagur 15. desember 2018
88455
Fríggjadag 14. desember
Síðsta Skríggj 14.desember 2018
88960
Fríggjadag 14. desember
Góðan morgun Føroyar 141218
88950
Nýggjastu sendingar í SV
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893
Mikudag 12. desember
Úr savninum: Gullnám í 60 ár 5:5
88842
Sunnudag 9. desember
Andaktin
88722