Castro-tíðarskeiðið liðugt

11.03.2018 - 13:48
AktueltÚtheimurin
Castro-tíðarskeiðið liðugt
Í dag er val í Kuba, og landið skal fyri fyrstu ferð síðani kollveltingina í 1959 hava ein forseta, ið ikki eitur Castro til eftirnavn
Miguel Diaz Canel verður væntandi nýggji forsetin í Kuba, og sostatt eisini tann fyrsti í gott 60 ár, sum ikki eitur Castro til eftirnavn
Mynd: © Scanpix  
 

Úrslitið av valinum er longu avgjørt, tí talið av valevnum svarar til tey 612 plássini í tjóðartinginum. Tað skrivar danska kringvarpið. 

Raul Castro, sum er lítlibeiggi Fidel Castro, hevur verið forseti síðani 2008, men hann leggur nú frá sær. 

Kuba skal sostatt fyri fyrstu ferð síðani kollveltingina í 1959 hava ein forseta, sum ikki eitur Castro til eftirnavn.

57-ára gamli Miguel Diez Canel, sum í løtuni er fyrsti varaforseti, verður væntandi forseti, og sambært AFP fer hann helst at bera politisku hugsjónina hjá Castro-brøðrunum víðari. 

Tann Kommunistiski flokkurin er eisini einasti loyvdi politiski flokkurin í Kuba. Soleiðis hevur tað verið, síðani Fidel Castro gjørdist forseti fyri gott 60 árum síðani.

Raul Castro verður tó floksformaður í kommunistiska flokkinum til 2021.

Nýggi forsetin verður kunngjørdur 19. apríl. 


 

 
Nýggjastu sendingar í ÚV
Mánadag 18. november
TEMPAPLÁTAN: Mike & The Mechanics, 1985
101165
Sunnudag 17. november
Meg minnist: Bjarki Skúvadal (3:3)
100999
Sunnudag 17. november
Credo: Exoplanetur
100894
Sunnudag 17. november
Upp á tá 151119
101159
Sunnudag 17. november
Jambalaja - Luke Combs og Erin Enderlin
101158
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878