Einki kriminelt hent

13.03.2018 - 09:42
Aktuelt112
Einki kriminelt hent
Politiið sigur, at 47 gamli maðurin, sum fyrrapartin sunnudagin varð funnin í fjøruni við Breiðá millum Fuglafjørð og Kambsdal, er rikin hagar
 
 

Menninir, sum doyðu um vikuskiftið á óvanligan hátt, verða lagdir undir líkskurð í morgin og hósdagin.

Politiið sigur, at 47 gamli maðurin, sum fyrrapartin sunnudagin varð funnin í fjøruni við Breiðá millum Fuglafjørð og Kambsdal, er rikin hagar tvørtur um fjørðin. 

Soleiðis sum streymviðurskiftini eru í Fuglafirði, er maðurin farin á sjógv á havnarlagnum, og síðani rikin á land við Breiðá.

Einki kriminelt hent 

Líksýn var í gjár. Tað staðfesti, at einki kriminelt er hent, sigur politiið.

Politiið bíðar nú eftir líkskurðinum. Politiið veit ikki, hví 47 ára gamli maðurin fór á sjógv.

Sjálvmorð er útilokað, sigur politiið.

Vitjaði familju í Fuglafirði

Maðurin, sum búði í Havn, var í Fuglafirði og vitjaði familju har. Seinnapartin leygardagin var hann sjálvur annar saman við einum skyldmanni, sum fór inn í Keypssamtøkuna at keypa.

Tá skyldmaðurin kemur út aftur, er tann 47 ára gamli maðurin horvin. Seinast, hann er sæddur á lívi, er klokkan trý seinnapartin leygardagin. 

Hann verður funnin aftur, deyður, klokkan tíggju fyrrapartin sunnudagin. Ein maður, sum var farin at geva seyði, sá onkran liggja í sjóvarmálanum við Breiðá.

Nýggjastu sendingar í ÚV
Mánadag 22. oktober
Víð Tórði á túri í Tindhólmi
86722
Mánadag 22. oktober
Norðurljóð 22.oktober 2018
86720
Mánadag 22. oktober
Sunnudagstónar 21. oktober 2018
86715
Mánadag 22. oktober
Meg minnist: Guðrun Gaard (1:2)
86702
Mánadag 22. oktober
Síðsta Skríggj 19.oktober 2018
86693
Nýggjastu sendingar í SV
Mánadag 22. oktober
3-2
86730
Sunnudag 21. oktober
Guðstænasta úr Christianskirkjuni
86685
Leygardag 20. oktober
Andaktin
86655
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574