Jógvan á Lakjuni spyr um Kamb

13.03.2018 - 08:46
AktueltPolitikkur
Jógvan á Lakjuni spyr um Kamb
Tingmaðurin spyr Høgna Hoydal, hví Fiskimálaráðið noktaði línuskipinum Kambi at senda 50 tons av fiski til Føroya í bingjum
 
 

Jógvan á Lakjuni í Fólkaflokkinum spyr nú Høgna Hoydal, landsstýrismann í fiskivinnumálum, hví Fiskimálaráðið noktaði línuskipinum Kambi at senda 50 tons av fiski til Føroya í bingjum, tá lógin um sjófeingi heimilar at gera undantak í serligum førum.

Kambur, sum var til fiskiskap undir Íslandi, fekk tekniskar trupulleikar, og noyddist inn í Hafnarfirði. 

Ætlanin var at landa tey 50 tonsini, sum Kambur hevði fiskað, í bingjur, og senda tær heim til Føroya, tí íslandskvotan er í størra lagi til ein túr, men ov lítil til tveir.

Fiskimálaráðið svaraði, at tað bar ikki til, tí lógin sigur, at alt skal landast í Føroyum, hóast heimild er at geva undantak í "force majeure-liknandi umstøðum."

Jógvan á Lakjuni spyr eisini, um landsstýrismaðurin ætlar at broyta ásetingina um, at øll veiði skal um føroyskan bryggjukant, ella um hann ætlar at tulka ásetingina soleiðis, at fiskimenn, skip og samfelag fáa sum mest burturúr.

Tað sigur seg sjálvt, at skip eiga at sleppa at landa í Íslandi, um hetta er neyðugt vegna veður, sølu, prís og aðrar umstøður, tá tað undir ongum umstøðum loysir seg at sigla langa teinin til Føroya, sigur Jógvan á Lakjuni m.a. í viðmerkingunum til fyrispurningin. 

Nýggjastu sendingar í ÚV
Mánadag 22. oktober
Víð Tórði á túri í Tindhólmi
86722
Mánadag 22. oktober
Norðurljóð 22.oktober 2018
86720
Mánadag 22. oktober
Sunnudagstónar 21. oktober 2018
86715
Mánadag 22. oktober
Meg minnist: Guðrun Gaard (1:2)
86702
Mánadag 22. oktober
Síðsta Skríggj 19.oktober 2018
86693
Nýggjastu sendingar í SV
Mánadag 22. oktober
3-2
86730
Sunnudag 21. oktober
Guðstænasta úr Christianskirkjuni
86685
Leygardag 20. oktober
Andaktin
86655
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574