Uttanríkisráðharrin eisini sagdur úr starvi

13.03.2018 - 14:46
AktueltÚtheimurin
Uttanríkisráðharrin eisini sagdur úr starvi
Donald Trump hevur sagt uttanríkisráðharran Rex Tillerson úr starvi, og hevur ístaðin sett ovastan í CIA, Mike Pompeo, sum uttanríkisráðhaðharra
 
 

Í einum boðum sigur forsetin, at Pompeo fer at gera eitt gott arbeiði sum uttanríkisráðharrio, samstundis sum hann takkaði Tillerson fyri hansara arbeiði sum uttanríkisráðharri.

Nógv verður gitt um, hvi Tillerson ikki heldur fram sum uttanríkisráðharri. Ein talsmaður fyri forsetan sigur, at stórar avbjóðingar eru fyri framman - bæði samráðingar við Norðurkorea og handilsavtalan, NAFTA skal samráðast um við Kanada og Mexico.

Varastjórin í CIA, Gina Haspel, tekur við sum stjóri. Tað er fyrstu ferð, at ein kvinna verður stjóri í CIA.

Fyrst stjóri so uttanríkisráðharri

Donald Trump tilnevndi Pompeo sum stjóra í CIA í november í 2016, stutt eftir at hann varð valdur til forseta.

Pompeo sigur seg vera sera glaðan um, at hann fyrst varð valdur til stjóra í CIA og nú verður uttanríkisráðharri.

- Undir Donald Trump er USA vorðið eitt betri og tryggari stað at vera, og eg síggi fram til at umboða USA kring allan heimin og gera landið uppaftur betri og sterkari, sigur Mike Pompeo.

Ongantíð verið samdir

Rex Tillerson hevur ikki gjørt viðmerkingar til, at hann er koyrdur frá sum uttanríkisráðharri. Men eygleiåðarar siga, at samstarvið ímillum forsetan og uttanríkisráðharran hevur verið merkt av ósemjum, m.a. hava teir ongantíð verið samdir um, hvussu uttanríkispolitikkurin skal skipast.

Í fjør vísti Tillerson aftur, at hann skuldi hava kallað forsetan fyri býttling.

So seint sum í januar segði hann við CNN, at hann ongantíð hevur verið í iva um sálarligu støðuna hjá forsetanum.

Tað segði hann, eftir at fleiri fólk høvdu sett spurnartekin við sálarligu førleikarnar hjá Donaldi Trump.

Nýggjastu sendingar í ÚV
Mánadag 22. oktober
Víð Tórði á túri í Tindhólmi
86722
Mánadag 22. oktober
Norðurljóð 22.oktober 2018
86720
Mánadag 22. oktober
Sunnudagstónar 21. oktober 2018
86715
Mánadag 22. oktober
Meg minnist: Guðrun Gaard (1:2)
86702
Mánadag 22. oktober
Síðsta Skríggj 19.oktober 2018
86693
Nýggjastu sendingar í SV
Mánadag 22. oktober
3-2
86730
Sunnudag 21. oktober
Guðstænasta úr Christianskirkjuni
86685
Leygardag 20. oktober
Andaktin
86655
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574