Dagurin yvirhálar náttina

Dagurin í dag er longri enn náttin, hóast várjavndøgur ikki er fyrr enn týsdagin.

Um hugt verður í álmanakkan sæst, at várjavndøgur er týsdagin 20. mars. Tað merkir, at dagur og nátt eru líka long, og at dagurin síðani er longri enn náttin.

Harafturat merkir várjavndøgur, at vit út frá einum stjørnufrøðiligum sjónarhorni fara inn í summarhálvárið á norðaru hálvkúluni.

Men hyggur tú betur eftir, sæst, at dagurin í dag, sunnudagur, er longri enn náttin. Orsøkin er finna í lofthválvinum. Í stuttum kann sigast, at tað ber til at síggja sólina nakrar fáar minuttir, áðrenn hon rísur, og somuleiðis ber til at síggja seinastu sólstrálurnar í nakrar minuttir, eftir at sólin setur.

Várjavndøgur er týsdagin klokkan 16.15, tá sólin stendur í zenit - loddrætt yvir Ekvator.

Komandi sunnudag, tað vil siga tann 25. mars, byrjar summartíð, og tá skal klokkan flytast ein tíma fram.