Skúlagentur leyslatnar í Nigeria

21.03.2018 - 15:11
AktueltÚtheimurin
Skúlagentur leyslatnar í Nigeria
Yvirgangsfelagsskapurin, Boko Haram, í Nigeria hevur latið leysar 74 av teimum 110 skúlagentunum, sum í farna mánaði vórðu burturfluttar
Skúlagentur avmyndaðar stutt eftir, tær vórðu leyslatnar
Mynd: © Reuters  
 

Hildið verður, at stjórnin hevur rindað loysigjald fyri at fáa genturnar aftur til famliljur sínar í Dapchi-statinum í landnyrðings Nigeria.

Herurin váttar, at limir í Boko Haram komu til Dapchi við gentunum, har tær 19. februar vórðu burturfluttar.

Vitni siga, at nógvir íbúgvar gjørdust ræðsluslignir, tá eitt bilafylgi við limum í Boko Haram koyrdu til Dapchi við gentunum.

- Eg havi ein lista yvir horvnar gentur, og vit fara nú at kanna lista og staðfesta, hvussu nógvar enn ikki eru komnar aftur í aftur, sigur Bashir Manso, sum er talsmaður fyri tey avvarðandi.

Burturflytingin 19. februar  var hin størsta síðani 267 gentur vórðu burturfluttar frá einum skúla í Chibok í 2014.

Myndugleikarnir og Muhammadu Buhari, forseti, eru undir hvøssum atfinningum fyri, at Boko Haram kundi burturflyta genturnar í farna mánaði.

Amnesty international skuldsetti so seint sum í gjár herin fyri ikki at hava tikið nógvu ávaringarnar um Boko Haram-álop móti skúlanum í Dapchi í álvara. 

Herurin vísir hesum aftur og sigur, at Amnesty spjaðir ósannindi um herin. 

Muhammadu Buhari, forseti, vann forsetavalið fyri trimum árum síðani við lyftum um, at burturfluttu genturnar koma heimaftur, og at herurin skal knúsa Boko Haram.

 
Nýggjastu sendingar í ÚV
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Fríggjadag 18. september
Nón 18. september 2020
113633
Fríggjadag 18. september
UFO Kjallarin og UFO Renaissance'an - 9
113579
Nýggjastu sendingar í SV
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403
Mánadag 7. september
3-2
113184
Mánadag 7. september
3-2
113186