Leirvíkstunnilin framvegis stongdur um náttina

22.03.2018 - 09:22
AktueltSamfelag
Leirvíkstunnilin framvegis stongdur um náttina
Arbeiðið at skróta leyst grót úr bergholsvegginum í Leirvíkstunlinum dregur út, og tíðarætlanin heldur ikki.
 
 

Arbeiðið skuldi verða liðugt 31. mars, men neyðugt er við nøkrum vikum afturat, sigur Boði Haraldson, rakstrarleiðari fyri infrakervið hjá Landsverki.

Leirvíkartunnilin er stongdur sunnukvøld á midnátt til mánamorgun klokkan 06, og annars mánakvøld til fríggjamorgun frá kl 22 - 6.

Tó sleppa bilar ígjøgnum hvønn heilan tíma, og hevur tú neyðsynjarørindi, sleppur tú altíð ígjøgnum bergholið, sigur Landsverk.

Í 2006 vórðu 700 metrar skrótaðir, í 2011 800 metrar skrótaðir, og nú verða so seinastu 800 metrarnir skrótaðir.

Ikki ber til at koyra eftir gamla Leirvíksvegnum, tí hann er ikki nóg tryggur til nógvu ferðsluna.

Jóhan Christiansen, borgarstjóri í Eystur Kommunu, segði tíðliga í februar mánaða, at vegurin var 80 ára gamal og ikki gjørdur til ta nógvu ferðsluna, sum er á vegnum nú.
 

Nýggjastu sendingar í ÚV
Týsdag 20. november
Góðan morgun Føroyar 191118
87952
Mánadag 19. november
Við Tórði á túri á Kósini í Klaksvík
87919
Mánadag 19. november
Norðurljóð 19.november 2018
87576
Nýggjastu sendingar í SV
Mánadag 19. november
3-2
87924
Mánadag 19. november
Miss Perfect (4:6)
87155
Mánadag 19. november
Plastgongustjørnan (3:4)
87975
Sunnudag 18. november
Andaktin
87870
Sunnudag 18. november
Guðstænasta úr Gjáar kirkju
87872