Broyta skilnaðarreglur fyri smábarnaforeldur

27.03.2018 - 10:16
AktueltSamfelag
Broyta skilnaðarreglur fyri smábarnaforeldur
Í framtíðini sleppa donsk hjún, sum hava børn, ikki at skiljast beinanvegin, men skulu hava eina sundurlesingartíð upp á tríggjar mánaðir
 
 

Danir fara at broyta reglurnar um hjúnaskilnað.

Í framtíðini sleppa hjún, sum hava børn, ikki at skiljast beinanvegin, men skulu hava eina sundurlesingartíð upp á tríggjar mánaðir.

Hetta er partur av semju, sum allir flokkar í fólkatinginum hava gjørt nú fyrrapartin, skrivar DR.

Seinastu fimm árini hava reglurnar í Danmark verið soleiðis, at pør hava kunna skipað hjúnaskilnaðin á alnótini. Við at brúka Nem-Id og gjalda 420 krónur, hava tey kunna latið seg skilja beinanvegin - uttan sundurlesingartíð.

Frammanundan hesari skipanini skuldu hjkún hava eina sundurlesingartíð upp á eitt hálvt ár fyri at kunna skiljast. 

Nú skulu reglurnar broytast aftur, soleiðis at hjún við børnum skulu hugsa seg eitt sindur um, áðrenn tey trýsta á skilnaðarknøttin á telduni. Nú verður kravt, at tey fáa eina sundurlesingartíð í tríggjar mánaðir.

Barna- og sosialmálaráðharrin, Mai Mercado, fegnast um avtaluna. Hon heldur, at atlitið til børnini er tað týdningarmesta í hesum málinum.

Í hesum tíðarskeiðnum fáa bæði foreldur og børn bjóðað ráðgeving. hetta fyri at tryggja, at foreldrini eru vís í teirra vali og hvørjar avleiðingar hetta fer at hava fyri barnið.

Er talan um harðskap ella ótrúskap, er er sundurlesingartíð ikki kravd, stendur í avtaluni. 

Sí eisini

Nýggjastu sendingar í ÚV
Fríggjadag 22. mars
Morgunlestur fríggjadagur 22. mars 2019
91110
Fríggjadag 22. mars
Tema: Minnissending um Tom Petty 1950-2017
92575
Hósdag 21. mars
Nón - hósdagur 21.03.19
92559
Hósdag 21. mars
Góðan morgun Føroyar 21. mars 2019
92535
Hósdag 21. mars
Leitisstein 15.03.2019 (Lena 2)
92530
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Hósdag 21. mars
Ítróttarportrett: Hallur Hansson
92551
Mikudag 20. mars
Minnist tú enn? (3:13)
16392