Alarar, sum skjóta kóp, sleppa ikki at selja laks

29.03.2018 - 11:55
AktueltVinna
Alarar, sum skjóta kóp, sleppa ikki at selja laks
Um fýra ár sleppa tey, sum verja síni alibrúk móti kópi við byrsu, ikki at selja laks til USA
Kópur hevur viðhvørt hug at finna sær føði í aliringum.
 
 

USA vil ikki longur keypa laks, sum er aldur í alibrúkum, sum skjóta kóp, sum amast upp á alibrúk.

Shetnews í Hetlandi skriva, at bólkar í Hetlandi, sum arbeiða fyri at verja umhvørvið og djór, hava enn eina ferð heitt á skotsku stjórnina um seta alarum forboð fyri at skjóta kóp.

Sambært Shetnews kemur innflutningsforboðið í USA í gildi í 2022.

Skotskir myndugleikar hava til fánýtis roynt at sleppa skotskum laksi undan forboðnum.

Alarar í Skotlandi drupu 49 kópar í fjør.

Fleiri fyrr

Tað er lítið sammett við 2011, tá fráboðað varð, at 221 kópar vórðu fyribeindir.

Skotska stjórnin verður skuldsett fyri at spilla tíðina við at royna at sleppa alibrúkum í Skotlandi undan forboðnum í staðin fyri at nokta alarum at brúka byrsu móti kópi. 

Shetnews skriva, at alarar í Hetlandi vilja sleppa undan at skjóta kóp, og teir gjørdu nógv minni av tí í fjør enn onnur ár.   

Í USA hava laksaalarar ikki loyvi at skjóta kóp.

Tað er tí kappingaravlagandi, at skotskir alarar sleppa at skjóta kóp, siga umhvørvisverndarfólk í Hetlandi.

- Tað er nógv fyri, at amerikanska stjórnin skal verja kópin í Skotlandi, siga tey.

Onnur tøkni útilokar byrsuna

Men sambært skotska búskaparráðharranum, Fergus Ewing, er eitt forboð fyri at skjóta kóp ikki á veg.

Onnur tøkni, sum styggir kópin frá alibrúkunum, ger, at tað verður ikki brúk fyri at skjóta kóp í framtíðini, sigur hann. 

Føroyar selja aldan laks til USA, og alarar í Føroyum skjóta kóp.
 

Nýggjastu sendingar í ÚV
Mánadag 21. januar
Norðurljóð 21.januar 2019
90233
Mánadag 21. januar
Góðan morgun Føroyar 210119
90219
Mánadag 21. januar
Sunnudagstónar 20. januar 2019
90218
Mánadag 21. januar
Arnfinnur Bjarkhamar gestur í Dansivali
90197
Sunnudag 20. januar
Bolero 20. jan. 2019
90188
Nýggjastu sendingar í SV
Mánadag 21. januar
3-2
90238
Mánadag 21. januar
Heimleys á Instagram (1:2)
90207
Mánadag 21. januar
Heimleys á Instagram (2:2)
90209
Mánadag 21. januar
Hugo og Helmig (3:4)
89913
Mánadag 21. januar
Bella loggar inn (2:7)
90072