Týskland vil útflýggja Puigdemont

Týskland vil útflýggja Puigdemont
Týski ákærumyndugleikin hevur í dag biðið um loyvið at útflýggja Carles Puidgemont til Spania, har hann er ákærdur fyri uppreistur
 
03.04.2018 - 11:01

Týski ákærumyndugleikin hevur í dag biðið rættin um loyvi at útflýggja fyrrverandi forsetan í Katalonia, Carles Puidgemont til Spania, har hann er ákærdur fyri uppreistur í sambandi við loysingarstríðið.

Puigdemont hevur sitið í varðhaldi í Neumuenster í norðurtýsklandi, síðani hann varð handtikin 25. mars.

Reuters skrivar, at ákæruvaldið í Schleswig-Holstein heldur, at spanska umbønin um at fáa hann útflýggjaðan kann játtast, tí ákærurnar um uppreistur eisini fevna um eina fólkaatkvøðu, sum varð hildin, hóast hon var ímóti sponsku grundlógini, og hóast harðligir samanbrestir vóru væntandi.

- Vit hava samsvarandi ásetingar í týskari lóg, siga ákærarnir í eini fráboðan, sambært Reuters.

Teir hava eisini biðið rættin um at lata Puigdemont verða sitandi í varðhaldi, meðan rætturin viðger málið, tí vandin er fyri, at fyrrverandi katalonski forsetin annars fer at royna at rýma.

Puigdemont flýddi úr Spania til Belgia fyri fimm mánaðum síðani, tá spanski forsætisráðharrin, Mariano Rajoy, setti katalansku fyrisitingina frá og setti landspartin undir umsiting úr Madrid.

Revsikarmurin fyri tey brot, sum hann er ákærdur fyri, er 25 ára fongsulsrevsing.

Reuters skrivar, at ógreitt er, hvussu drúgv tíð fer at ganga, áðrenn týski rætturin kemur við úrskurði í málinum.

Er kopiera
Nýggjastu sendingar í ÚV
Mánadag 18. mars
Norðurljóð 18.mars 2024
172377
Mánadag 18. mars
Vreiði og vreiða
172342
Mánadag 18. mars
Góðan morgun Føroyar
172339
Nýggjastu sendingar í SV
Sunnudag 17. mars
Andakt við Johan við Neyst
172320
Sunnudag 17. mars
Møti úr Kelduni
172321
Fríggjadag 15. mars
Veðrið
172276
Fríggjadag 15. mars
Breddin stroyming: Orðaskifti um semjuskjal
172264