Afturlatin uppboðssøla er rættvísast

bannari
Afturlatin uppboðssøla er rættvísast
Tað heldur Høgni Hoydal, sum heldur fast um sína ætlan at bjóða út fiskirættindi á afturlatnari uppboðssølu.
 
04.04.2018 - 08:15

Samanumtikið meti eg, at afturlatin uppboðssøla er ein rættvís skipan, har øll kappast á jøvnum føti. Harnæst verður keypið avgreitt eins fyri øll. 

Høgni Hoydal, landsstýrismaður, heldur fast um sína ætlan at bjóða út fiskirættindi á afturlatnari uppboðssølu. Hann hevur svarað Bill Justinussen, løgtingsmanni, sum spurdi um afturlatnu uppboðssøluna.

Høgni Hoydal hevur ikki gjørt av enn, hvussu nógv rættindi verða seld á afturlatnari uppboðssølu. 

Uppskotið um kunngerð hevur verið til hoyringar, men endalig niðurstøða er ikki løgd í málið. Fyribils niðurstøðan er millum annað bygd á royndirnar frá afturlatnu uppboðssølunum í 2016 og 2017.

Í afturlatnari uppboðssølu verður gjørligt at koma við fimm boðum. Keypari kann leggja eitt boð inn, sum fevnir um ein kiloprís til eina ásetta nøgd í kilo. 

Hetta merkir, at til ber at tryggja sær eina ávísa nøgd. Hetta ber ikki til á opnari uppboðssølu, sigur Høgni Hoydal.

Kemur keypari við fimm boðum, hevur hvørt boðið ein kiloprís og eina nøgd í kilo. Hetta merkir, at keyparin kann bjóða høgan prís til ávísa kilonøgd og harnæst bjóða upp á størri nøgdir við lækkandi prísi. 

Tilboðini verða raðfest við lækkandi eindarprísi, til øll útbjóðaða nøgdin er seld. Tilboðið, sum hevði lægsta eindarprísin av teimum tilboðum, sum komu upp í part, ásetir eindarprísin, sum øll skula rinda. 

Hetta er marknaðarprísurin, har útboð og eftirspurningur javnviga, sigur Høgni Hoydal í svari sínum. 

Hann sigur, at vanligt er at brúka afturlatna uppboðssølu, har kappingin er avmarkað, tí ein sterkur keypari kann bjóða veikari kappingarneytarnar út í eini opnari uppboðssølu.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858