- Tíðindi, mentan og ítróttur
Handilskríggið millum USA og Kina harðnar
Á listanum eru millum annað ellutir og elektronikkur, heilivágur og lutir til flogfør.
Talan er um innflutning fyri okkurt um 50 milliardir dollarar, góðar 300 milliardir krónur, úr Kina til USA.
Sambært amerikansku stjórnini verður tollurin lagdur á vørur, ið raka amerikanska búskapin sum minst.
- USA hevur tørv á effektivum amboðum at basa royndunum hjá Kina at stjala amerikanska tøkni og virði, sigur talsmaðurin fyri amerikanska haldilsmálaráðið, Robert Lighthizer.
Amerikanska stigið kemur dagin eftir, at Kina legði toll á eina røð á vørur úr USA. Tann kinesiska avgerðin var aftursvar til amerikanska tollin á stál og aluminium úr Kina.
Nú ávarar kineska handilsmálaráðið um nýggj átøk móti USA, og tað í líknandi stødd og tyngd sum nýggjasta, amerikanska stigið móti Kina.