Sparingar í DR, 24Syv og TV 2

05.04.2018 - 15:46
AktueltPolitikkur
Sparingar í DR, 24Syv og TV 2
Tað sigur Mette Bock, mentamálaráðharri, sum í dag legði fram uppskotið hjá donsku stjórnini til miðlasemju fyri næstu fimm árini
Danski mentamálaráðharrin, Mette Bock, legði fram uppskotið um miðlasemju við slagorðunum "Nye medier, nye vaner, nye tider".
Mynd: © DR  
 

Størri javnvág skal fáast millum almennar og privatar fjølmiðlar í Danmark.

Tað sigur Mette Bock, mentamálaráðharri, sum í dag legði fram uppskotið hjá donsku stjórnini til miðlasemju fyri næstu fimm árini, tað vil siga frá 2019 til 2023.

Hetta tíðarskeiðið skal játtanin til danska kringvarpið skerjast við 20%, játtanin til útvarpsstøðina Radio24syv skal skerjast við 33% og so skulu 40% av TV2 seljast.

Á hinum bógnum skal serliga public service upphæddin, sum privatir miðlar kunnu søkja pengar úr, økjast úr verandi 35 milliónum upp í 220 milliónir.

Tað skal, sambært mentamálaráðharranum, geva privatu miðlunum í Danmark betri møguleika at geva sítt íkast til at framleiða dansk innihald í høgari góðsku.

Somuleiðis ætlar danska stjórnin at geva pláss til eina nýggja sjónvarpsrás, ið privatu miðlarnir kunnu bjóða seg fram til at røkja. Nýggja rásin skal senda mentan og fólkaupplýsing.

- Fjølbroytni í miðlalandslagnum hevur stóran týdning, sigur Mette Bock, sum samstundis leggur upp til at skerja danska kringvarpið munandi.

Ein avleiðing av tí verður, at tvær av verandi seks sjónvarpsrásum hjá DR verða sløktar.

 
Nýggjastu sendingar í ÚV
Mikudag 19. februar
Nón 19. februar 2020
105032
Mikudag 19. februar
Dagsins yrking - Minni
104993
Týsdag 18. februar
Breddin
104990
Týsdag 18. februar
Tey forvitnu - Ólavur Mortensen
105023
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891